九丁目日本料理

營業中

休息中

今日去咗元朗見到一間好靚嘅日本餐廳俾佢嘅外貌吸引左入去左。天氣開始清涼所以決定坐出面，幻想下自己係日本咁。餐牌好多嘢食，樣樣都好似好吸引，所以每樣都嗌下黎試試嗌左一碟海膽壽司好正好肥美。食到佢好鮮甜，紫菜又夠脆。一啖食落口入口即溶之後黎左碗火山丼跟麵豉湯個丼好足料有魚子蟹子海膽墨魚蟹肉三文魚，每樣都好鮮甜，一大個丼只係$168真係好低食。另外我地叫左2隻軟殼蟹天婦羅外脆內軟值得推介。外面嘅炸粉唔會好厚，軟殼蟹又夠大隻，入面熱辣辣啖啖肉。好食！已經好飽啦最後仲有一個三文魚頭石鍋估唔到三文魚頭啖啖肉，魚質仲好滑個鍋入面仲有菜，菇，粉絲同豆腐。好香既魚鮮味個湯都爭d俾我飲哂。總括呢間餐廳外貌同衛生一流，食物又好好食坐係出面慢慢坐慢慢食，同朋友黎吹水chill下都真係幾舒服。