新曼谷泰國菜館

營業中

休息中

難得過海嚟到灣仔，lunch time行過見到呢間泰國菜入面座無虛席，就決定試吓食啦。Lunch set大約5、60蚊，同一般泰國餐廳差唔多，唔算太貴。我嗌左個海南雞飯，附送一碗冬瓜湯。講真個海南雞飯賣相真係好一般，雞嘅份量有啲少，啲雞肉應該係新鮮雞肉，但係真係有啲太’鞋’，仲有大約一半雞肉係冇雞皮嘅，唔係好岩個人口味。個冬瓜湯雖然好香，但係有啲過咸，所以冇飲晒。跟餐有幾款特飲揀，唔洗加錢。我嗌咗凍檸茶，凍檸茶唔係用普通檸檬，而係青檸，飲落幾特別。成個餐最正嘅係杯嘢飲，希望佢可以改善一下食物嘅質素啦。