好吃吃光

營業中

休息中

真實自費食評喺Openrice到search大角咀有咩食，因為近朋友搭車返工，點知就見到好吃吃光啲相，被佢個成碗澎湃鋪滿食材既相吸引左。月見海老蚵仔鮭魚蝦卵魯肉飯 $118 🦪另加 $15 有貢丸湯 & 加$15 有檸檬愛玉一黎到碗飯真係鋪滿食材，非常適合打卡，同埋係超多蚵仔，粒粒都脹卜卜，另外啲魚子同個魯肉飯都好夾，唔會好腥同太咸，而個魯肉飯係好多汁，如果少返少少就會更加完美，3隻蝦出乎意料好彈牙，相信呢個菜式一定係黎到必叫既。貢丸湯係值得一加，有四大粒同埋佢個湯底係做到同台灣好相似。蔥油乾伴麵配煎蛋 $52 另加 $15 冬瓜茶如果講呢碗蔥油乾伴麵就會無咁出色了，呢到係用扁既粗麵，但唔係想像中既蔥油味，係比較淡既，如果無咁濕身會比較突出佢係乾伴。起司肉鬆蛋餅 $43呢個蛋餅份量係好足料，而且裡面係有好多肉鬆但包住菜，有個汁淋面甜甜地幾開胃。好吃吃光既份量一啲都唔少既，所以價錢黎講都算公平，因為食材佢地一地都唔會俾少。但鋪頭就會早啲截單，而且係收九點，所以想黎食既朋友留意返要早啲呀。