滄浪亭

營業中

休息中

嚟到紅磡一帶，成日都會想去食滄浪亭，因為我鍾意佢哋嫩雞煨麵嘅湯底。滄涼亭鋪頭細細，只得五張枱仔，每張枱仔都係坐4個人到。所以，有時繁忙時間都會比較迫同埋要等得耐啲。滄浪亭主打上海麵食，秋季仲有期間限定- 蟹粉拌麵。嫩雞煨麵 ($50)一上菜，朋友就話「咁大碗咖!」 煨麵係用咗一隻好大嘅碗盛載，上面滿佈嫩雞粒、白菜仔粒同埋麵，份量非常之多。嫩雞煨麵湯底有淡淡嘅奶香味，係平時嘅鋪頭都比較少飲到呢種湯底，所以我對呢款湯底有深刻印象。雞粒就正正常常，白菜仔份量都好多，可以同奶香湯底得到一個平衡。嫩雞煨麵份量真係好大，一個人真係食唔晒，我諗最好都係同 frd share，之後再叫其他小食。