影片
更多
2010-09-26
187 瀏覽
有日喺中環香港站經過鴻福堂，順便買支嘢飲。仲見到收銀位當眼處有散裝迷你奶皇蛋黃月餅賣，原來呢度有一盒盒嘅月餅賣。個 Look 仲好攪笑！迷你奶皇蛋黃月餅 ( 每個 +$12 換購 ) 成份：小麥粉、糖、牛油、雞蛋、咸蛋黃、吉士粉、奶粉、煉奶、椰奶、麥芽糖、粟粉、鹽、蜜糖、色素。營養資料：每100克：能量-436卡、蛋白質-8克、總脂肪-25.2克( 飽和脂肪-12.7克、反式脂肪-0.6克)、碳水化合物-44.3克、糖-24.5克、鈉-264毫克。而家奶皇月餅賣到成巷成市，就連涼茶舖鴻福堂都要出埋一份。 買開嘢飲，順便買個試吓。奶皇月餅以小禮包包裝，Size 細過一個奇華鳳梨酥，一開袋即刻聞到牛油香味；顏色偏黃一點，可能吉士粉份量較多！店員建議叮10秒，我喺屋企叮咗半分鐘，暖暖地，月餅皮幾軟身；食起嚟比較甜，甜中帶膩，但食唔到有咸蛋黃，只係甜咗啲，平平地都食得過。不過，估唔到一個細細個嘅迷你奶皇蛋黃月餅有咁多成份！藍莓杞子蘆薈冰茶 330ml ( $13 ) 功效：美目怡神 ( 註明：無添加防腐劑及人造色素 ) 購買日期：11/9/2010 有效日期：13/9/2010 只有兩天
迷你奶皇蛋黃月餅 ( 每個 +$12 換購 )
成份：小麥粉、糖、牛油、雞蛋、咸蛋黃、吉士粉、奶粉、煉奶、椰奶、麥芽糖、粟粉、鹽、蜜糖、色素。
營養資料：每100克：能量-436卡、蛋白質-8克、總脂肪-25.2克( 飽和脂肪-12.7克、反式脂肪-0.6克)、碳水化合物-44.3克、糖-24.5克、鈉-264毫克。
而家奶皇月餅賣到成巷成市，就連涼茶舖鴻福堂都要出埋一份。 買開嘢飲，順便買個試吓。奶皇月餅以小禮包包裝，Size 細過一個奇華鳳梨酥，一開袋即刻聞到牛油香味；顏色偏黃一點，可能吉士粉份量較多！店員建議叮10秒，我喺屋企叮咗半分鐘，暖暖地，月餅皮幾軟身；食起嚟比較甜，甜中帶膩，但食唔到有咸蛋黃，只係甜咗啲，平平地都食得過。不過，估唔到一個細細個嘅迷你奶皇蛋黃月餅有咁多成份！
藍莓杞子蘆薈冰茶 330ml ( $13 )
功效：美目怡神 ( 註明：無添加防腐劑及人造色素 ) 購買日期：11/9/2010 有效日期：13/9/2010 只有兩天，係新鮮飲品，要放雪櫃。
成份：水、蘆薈、糖、藍莓蓉、藍莓粒、紅茶、杞子。
營養資料：每100克：能量-25千卡、蛋白質、總脂肪、飽和脂肪、反式脂肪-全部0克、碳水化合物-6.2克、糖-5.1克。
藍莓、杞子、蘆薈混合一齊，感覺清新！味道微甜帶點酸，冰冰涼涼，可以醒神；仲有藍莓具明目功效、促進血液循環、保護心臟健康。杞子同樣明目功效之外，還有補腎及養肝。有時，飲到嘅葯材湯，會加少許杞子。
呢支飲品有渣，入面有唔少嘢食：蘆薈粒食落好似新鮮提子肉咁爽身、藍莓乾好似提子乾，有渣兼難食 、杞子本身甜味，而家都無哂味。但係唔知對於開 OT 有無幫助？
粒粒咸柑桔 250ml ( $4.5 )
功效：可清熱潤喉 ( 註明：無添加防腐劑及人造色素 )
成份：純水、蔗糖、柑桔果粒、柑桔原汁、食鹽、增稠劑、穩定劑、酸度調節劑、天然蜂蜜、維他命 C 、調味料。
營養資料：每100ml：能量-315千卡、蛋白質、總脂肪、飽和脂肪、反式脂肪-全部0克、碳水化合物-7.8克、糖-7.7克、鈉-114毫克。
酸咸比例-7：3，些少甜，有柑桔小果粒，可幫助消化、清熱、化痰止咳；此外解渴潤喉，喉嚨痛飲完連喉嚨會舒服啲。 呢度有室溫支裝賣，加上細細支放落手袋好方便，起碼唔會出水，攪到個袋都濕埋！另有大支少少 500ml 裝，如果去睇戲，我會買 500ml ；好過飲汽水！
玫瑰茄 Net weight : 80g ( +$9.9 換購 )
又註明：無添加
成份：玫瑰茄、白砂糖、果糖、食鹽、青梅汁、甜味劑。
營養資料：每100克：能量-246千卡、蛋白質-1.2克、總脂肪、飽和脂肪、反式脂肪-全部0克、碳水化合物-60.3克、糖-59克、鈉-2029毫克。
玫瑰茄又稱洛神花，係紅色嘅洛神花雕落後嘅果實。玫瑰茄的花含有豐富的維生素C，有清涼降火、生津止渴、利尿的功效，亦可幫助消化。天時暑熱，口淡淡，食完好醒胃，令人增進食慾！當天然涼果都唔錯！不過，雪凍之後，會黐住一大嚿。其實，我第一次食，食起嚟酸到無人有，簡直同話梅有得揮！ 睇返成份，原來仲加咗青梅汁，怪不知咁酸！既然咁酸，未必人人接受得到！我都無謂推介俾大家！就連老人家都唔啱食，驚食完會牙軟。順便一提，個盒蓋條邊好難開，最終要用金屬鉗先開得到！
服務：值得一讚！
當時只得一位店員，我亦係唯一嘅顧客，我睇雪藏飲品，未決定買咩，佢走過嚟幫我開雪櫃，並介紹有些飲品係有揸及新鮮飲品；仲俾咗盤菜單張我睇，唔 Hard sell ，令人容易受落。服務態度誠懇，值得一讚！
張貼
