貳號冰室

營業中

休息中

行街行到攰攰地，需要中途休息下，餓就唔係好餓，主要想飲杯野。星期六嘅旺角周圍都係人，見到呢間茶餐廳價錢大眾化，著為坐下食少少野都適合啦。到底會有幾香港原味道呢🤔呢個焦糖西多士配雪糕，又幾好食喎！😋焦糖味足夠但唔會死甜菠蘿油的話，個人覺得可以做得更加好。牛油係甘香嘅，但面包凍冰冰，所以牛油溶入唔到其中，變左包還包，牛油還牛油咁食。如果可以做多步烘一烘熱包，就更好啦。另外咁樣切開面包放牛油，客人會食得好麻煩。可以考慮另一個切法😂雪糕紅豆冰，係今日嘅贏家。因為岩晒我口味，紅豆夠淋，奶味香，甜度適中。😆唔知呢個係咪原味道呢😙