影片
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
一個人入到旺角分店，但係冇人帶位於是坐咗卡位，有個後生嘅女客戶服務員態度惡劣嘅語氣叫我轉返坐單人位，當時已經晚上八點半幾，整個廳面十分多空枱，咁都要人轉返位，實在係好差嘅客戶服務。相反在中環分店亦在同樣時間幫襯過，客戶服務員的話而家唔係繁忙時間，你坐卡位哋，可以坐得舒服啲。同一個集團兩間分店，兩個完全不同嘅客戶服務體驗，簡直天淵之別。建議幫襯中環分店。
繼續閱讀
之前食過中環分店，好食有禮貌。 見到旺角有分店就入去食。 牛扒意粉好好好差，接待差， 阿姐十問九唔應，牛扒中伏，比嚿咬唔開，跟一嚿白色肥膏，嗱西求其，廚房點攪，見到都唔想食，牛扒咬唔開，唔通旺角係有特別煮法。翠華所淨無幾分店，開另一條line，貳號冰室，唉....伏伏伏
繼續閱讀
食咗四日白粥頂唔順。攞完藥睇到2號咁多人即刻去食。🥢【蔥油雞扒飯】雞扒就夠大，同我手掌差唔多。食落去外皮脆口內嫩滑，好耐未食到肉味，配埋啲香蔥及油勁香，隻蛋就正常水準。🥢【炒牛河】飽得滯就食咗一啖試下味，都係香味比較重。如果唔中意食太油膩可以只係夾面頭度唔夾到底度。🥄【嘢飲】我就飲咗一啖牙痛就唔評價。聽朋友話D嘢飲素質唔會差都算OK。（當時唔記得飲低）特別好食又唔至於，有70水準。食完之後搭van仔FIN吓FIN吓咁返屋企沖涼訓覺。
繼續閱讀
今日放工後，心血來潮決定去旺角覓食，就見到間人頭湧湧嘅貳號冰室我點咗個豬小排木耳米線、豬仔包同凍奶茶。豬小排木耳米線，米線口感爽滑，豬小排炆得好稔，咬落去肉質軟嫩，味道調得剛剛好，鹹香適中，木耳又爽脆，同豬小排搭配得天衣無縫。跟住食豬仔包，麵包外皮金黃酥脆，一咬落去「咯咯」聲，入面嘅豬肉餡料香噴噴，多汁又鮮美。最後一定要讚下佢哋嘅凍奶茶，茶味濃郁，奶味香滑，入口先苦後甜，冰凍嘅口感將奶茶嘅味道凸顯得更加出色，飲完一口，成個人都精神曬。
繼續閱讀
今日去咗間叫“貳號冰室（旺角）”嘅餐廳，就係銀行中心隔離一入到去，餐廳環境都幾有港式冰室嘅feel，綠白相間嘅裝修講下嘢食啦，嗌咗個“鮮蕃茄雞粒通粉·炒滑蛋/套餐，價錢$42。嗰個蕃茄雞粒通粉，湯底濃濃嘅番茄味，通粉煮得啱啱好，唔會太腍，雞粒都幾多下，咬落去有啲口感，不過如果蕃茄味再酸啲就更正啦，感覺有少少偏甜。炒滑蛋真係超級滑，好似食緊雲朵咁，蛋香十足，配埋個上面撒咗黑芝麻嘅日式湯種包，包軟綿綿，黑芝麻又香，簡直係絕配。仲有杯奶茶，茶味濃郁，奶味又夠香滑，沖出嚟嗰啲泡泡都好靚，不過就覺得有少少偏甜，如果可以調節甜度就perfect啦。總體嚟講，呢間冰室嘅嘢食都幾有水准，價錢都合理，下次可以再嚟試下其他嘢食。
繼續閱讀