發記腸粉粥品

營業中

休息中

因為受氣，原本經常幫襯（已有3-4年多，疫情期間都一直幫襯），變成永遠不再幫襯。我同家人2個人去幫襯，一張4人枱有2人埋單，另外2人仲食緊，我倆坐低，無人執枱。到另外2個食客先後埋單，女樓面話有4個食客要坐我地張4人枱，叫我2個轉去門口果邊張枱，我地唔願意轉位，因為門口係冷氣風口位，坐得唔舒服。個女樓面大聲講2次話我地唔肯轉位。跟住佢執左我地隔離2個位嘅碗碟，偏偏唔執我地2個位嘅碗碟，我要求清走我枱面嘅碗碟，講左3、4次佢先至行動。之後我叫左幾次想落單，佢企喺陜窄嘅通道上背着我扮聽唔到。我再出聲時，佢話等緊我落單，試問樓面係背對住食客幫客落單的嗎？全因為我地唔肯轉位就得到咁惡劣嘅對待，最後我地憤而離開。