影片
更多
2022-10-27
45 瀏覽
之前行過旺角想慕名去食都排哂長龍，好好彩今次得2枱係我前面，拿拿聲拎飛仔等位，今鋪終於到我食啦！（開心仔）2️⃣0️⃣0️⃣0️⃣ 晚飯時間🥢佐酒前菜 - 屋村三鮮（生腸、墨魚、雞腎）講真嘅，食開滷味嘅都知肥姐嘅出色，佢真心拍得住肥姐，生腸夠脆、墨魚唔硬，雞腎係爽，最正個豉油醬校得好好，5粒星推介⭐️⭐️⭐️⭐️⭐️🥢椒鹽粟米食得出好有鑊氣，椒鹽炒得好香；粟米脆爽有汁，不過唔夠入味。🥢金銀蒜蒸大元貝呢個簡直有水準啦！作為大排檔系列係有水準！大元貝除咗火喉控制得好，要蒸得唔老，個汁要調得夠香濃，碟餸拎出嚟仲要熱辣辣，$192蚊/4隻抵食！🥢砂窩臘味豬油撈飯打開個煲蓋已經好香，淋一層煲仔豉油，攪拌埋啲豬油飯，忍唔住食多兩碗飯🥹總結，下次要一大班人食先可以試哂佢哋嘅餸，暫時無一道餸係失場；食完都覺得抵俾嘅唔係間間做到，佢作為咁「地」嘅大排檔除咗做到懷舊風（仔細到窗花都做到70-80年代味道），食物質素有水準，上菜都好快，食得開心嘅一餐飯。
之前行過旺角想慕名去食都排哂長龍，好好彩今次得2枱係我前面，拿拿聲拎飛仔等位，今鋪終於到我食啦！（開心仔）
2️⃣0️⃣0️⃣0️⃣ 晚飯時間
🥢佐酒前菜 - 屋村三鮮（生腸、墨魚、雞腎）講真嘅，食開滷味嘅都知肥姐嘅出色，佢真心拍得住肥姐，生腸夠脆、墨魚唔硬，雞腎係爽，最正個豉油醬校得好好，5粒星推介⭐️⭐️⭐️⭐️⭐️
🥢椒鹽粟米
食得出好有鑊氣，椒鹽炒得好香；粟米脆爽有汁，不過唔夠入味。
🥢金銀蒜蒸大元貝
呢個簡直有水準啦！作為大排檔系列係有水準！大元貝除咗火喉控制得好，要蒸得唔老，個汁要調得夠香濃，碟餸拎出嚟仲要熱辣辣，$192蚊/4隻抵食！
🥢砂窩臘味豬油撈飯
打開個煲蓋已經好香，淋一層煲仔豉油，攪拌埋啲豬油飯，忍唔住食多兩碗飯🥹
總結，下次要一大班人食先可以試哂佢哋嘅餸，暫時無一道餸係失場；食完都覺得抵俾嘅唔係間間做到，佢作為咁「地」嘅大排檔除咗做到懷舊風（仔細到窗花都做到70-80年代味道），食物質素有水準，上菜都好快，食得開心嘅一餐飯。
張貼