泰‧雅

營業中

休息中

每次喺奧海城做完運動或行完街，都習慣落返去大角咀或者旺角搵食，所以每次經過大食代都會過門不入。但今日一場大雨，令我滯留奧海城，先發現原來大食代充滿驚喜！去Foodcourt食飯，除咗款式選擇多之外，呢間主打泰國菜嘅泰雅，價錢仲要非常親民，以後將會成為我哋嘅首選呢！泰式無骨鳳爪套餐可以以優惠價加配小食，雖然份量無正價咁多，但都有4隻鳳爪呢！鳳爪入味微酸，夠晒醒胃！小食拼盤其他加配嘅小食仲有香葉包雞、單骨雞翼、炸蝦餅。雖然係Foodcourt形式，但估唔到都係即叫即整，炸蝦餅熱辣辣，非常香脆，而且非常彈牙呢！至於香葉包雞嘅雞肉非常嫩滑，充滿香葉嘅香味。泰式甲拋肉碎煎蛋飯肉碎炒得非常乾身，夠晒鑊氣！至於肉碎味道鹹香十足，仲帶有香辣味，加埋流心蛋汁，送飯一流！泰式豬頸肉炒河粉泰式炒河粉嘅配料可以揀雞肉、牛肉、肉碎，同我哋所揀嘅豬頸肉。煎香咗嘅豬頸肉，油香令整碟河粉更昇華。