Cocina 3 Tapas Restaurant & Bar (已結業)

估唔到奧海城都有一間咁高質既西餐廳，無論佢晚服務，環境，食物，所有都做得咁好，絕對推薦比大家食。每個座位都好開揚，坐得好舒服。炭燒頂級美國肉眼（10oz）$386我叫左3成熟，最後燒出黎都好接近3成，大家睇圖都睇到，師父既功夫了得。好似呢d質素比較好既餐廳亦都會比埋海鹽你點。蒜香雞柳西班牙辣肉腸炒飯 ＄148炒飯好香，蒜香亦都係呢道飯既重點，一路食一路愈有胃口，辣肉腸唔會太咸或者太辣，非常推薦大家都試下。