影片
更多
2021-07-04
90 瀏覽
今日同屋企人嚟四點金食晚飯，叫左個套餐，平日$288 ，星期六日$308。三餸一湯 再送招牌蛋散一份 呢個價錢絕對相宜我地叫左杏汁炖白肺湯(呢個要加$20)， 鹵水鵝拼盤，家鄉煎蠔烙，海鮮類因為家人話係網上見過人推介撈海皇粉絲煲，所以就想叫呢個煲。我地問侍應姐姐個煲有啲咩，佢好似唔多知，求其答話有啲蝦有啲元貝咁啦 ，雖然係咁，我地都照嗌咗呢個煲。啲餸菜好快上枱，應該廚房一早煮定哂。快到我嚇親落完單，侍應先返轉頭同我地講今晚冇招牌蛋散，(其實一入餐廳時我地已經問左有冇蛋散先，佢地話有)，落完單先同我地講話原來冇，就算你地真係唔知情，俾個客嘅感覺都唔太好，好似呃左人入嚟咁。希望餐廳係開晚市之前可以好好咁brief 下啲員工有冇啲咩餐牌寫左嘅野其實個日係唔供應，唔好再咁樣呃左人客坐低就轉講法之得架。好講返野食第一樣野就係個加錢嘅湯色澤不錯，味道還好，冇個陣好黑人憎嘅杏仁味，已經好感恩。之後就嚟 鹵水鵝拼盤其實個拼盤好一般，本身對個鵝腸好有期望，點知硬到咬唔到，失望。成碟拼盤係得個鵝片好少少。之後就上左個煲啦，睇圖都見到，真係好多粉絲。所謂嘅蝦同元貝細到得1cm 左右 🤣，真係吹脹。主要都係食
三餸一湯 再送招牌蛋散一份 呢個價錢絕對相宜
我地叫左杏汁炖白肺湯(呢個要加$20)， 鹵水鵝拼盤，家鄉煎蠔烙，海鮮類因為家人話係網上見過人推介撈海皇粉絲煲，所以就想叫呢個煲。我地問侍應姐姐個煲有啲咩，佢好似唔多知，求其答話有啲蝦有啲元貝咁啦 ，雖然係咁，我地都照嗌咗呢個煲。
啲餸菜好快上枱，應該廚房一早煮定哂。快到我嚇親落完單，侍應先返轉頭同我地講今晚冇招牌蛋散，(其實一入餐廳時我地已經問左有冇蛋散先，佢地話有)，落完單先同我地講話原來冇，就算你地真係唔知情，俾個客嘅感覺都唔太好，好似呃左人入嚟咁。希望餐廳係開晚市之前可以好好咁brief 下啲員工有冇啲咩餐牌寫左嘅野其實個日係唔供應，唔好再咁樣呃左人客坐低就轉講法之得架。
好講返野食
第一樣野就係個加錢嘅湯
色澤不錯，味道還好，冇個陣好黑人憎嘅杏仁味，已經好感恩。
之後就嚟 鹵水鵝拼盤
其實個拼盤好一般，本身對個鵝腸好有期望，點知硬到咬唔到，失望。成碟拼盤係得個鵝片好少少。
之後就上左個煲啦，睇圖都見到，真係好多粉絲。所謂嘅蝦同元貝細到得1cm 左右 🤣，真係吹脹。主要都係食粉絲囉就係咁，同屋企人講真係唔好過於相信網上啲冇相嘅評論，不過呢個時代，有圖都未必有真相，都唔知有幾多打手。
最後就係蠔餅啦：
正路嘅質素，其實呢碟已經係成個套餐稍為最正常嘅餸
冇左碟蛋散，送返碗綠豆沙我地，甜度尚可嘅。
最後，值得一讚嘅係樓面個位唔知知客定經理(黑衫個個)，佢超有禮貌(好com 撈)，唔該前多謝後。我地本身坐低左個個位原來冷氣機滴水，佢見我地想轉枱都冇覺得煩，服務態度係好嘅。
不過我都係希望有返碟蛋散先會嚟食了
張貼
