影片
更多
2023-09-18
159 瀏覽
餐廳位於屯門河邊，星期六日踩單車經過見到都唔少人幫襯，今晚收工唔想煮飯就過去睇下有咩好食，餐廳有唔少套餐，星期一至五平日仲會有優惠價，價錢都幾抵，所以就決定試下佢😎😎由於係平日夜晚8點，餐廳食客已經陸續離開，唔算多人，餐廳裝修幾特別，而且座位闊落幾好坐皇子烤羊二人餐頭盤&餐湯是日餐湯係粟米忌廉湯，忌廉湯夠香滑同幾濃既粟米味，仲要有唔少既粟米粒，係幾好味😋頭盤係一個鹹火腿多士，鹹香嘅火腿配上酥脆嘅麵包，中間仲夾住火箭菜同蕃茄，不得不說食完係幾開胃，火腿嘅鹹香加上蔬菜嘅清新同麵包嘅酥脆，味道好夾！冬陰公忌廉海鮮意粉意粉嘅軟硬度做得唔錯，有少少咬口，而且意粉比平時餐廳食到嘅粗，更有口感👍🏻冬陰公醬汁味道香濃，酸酸辣辣，配上意粉出奇地夾，海鮮亦好新鮮，大蝦爽彈有蝦味，青口肉厚又鮮甜泰式醬烤牛肉粒加烤羊架配薯菜牛肉有唔少香料嘅味道，烤到啱啱熟，仲有唔少肉汁，配上牛肉醬係幾好味，羊架有四肢骨，好抵食👍🏻👍🏻羊架大概五至七成熟，有羊香，外層有唔少脆脆，令羊架更香口，平時唔食羊既另一半今日都食左兩支骨，大讚好食😯😯仲有呢度嘅薯條係即叫即炸，所以都熱辣辣外脆內軟，仲有仲有！！呢度嘅薯條係可以免費refi
由於係平日夜晚8點，餐廳食客已經陸續離開，唔算多人，餐廳裝修幾特別，而且座位闊落幾好坐
皇子烤羊二人餐
頭盤&餐湯
是日餐湯係粟米忌廉湯，忌廉湯夠香滑同幾濃既粟米味，仲要有唔少既粟米粒，係幾好味😋頭盤係一個鹹火腿多士，鹹香嘅火腿配上酥脆嘅麵包，中間仲夾住火箭菜同蕃茄，不得不說食完係幾開胃，火腿嘅鹹香加上蔬菜嘅清新同麵包嘅酥脆，味道好夾！
冬陰公忌廉海鮮意粉
意粉嘅軟硬度做得唔錯，有少少咬口，而且意粉比平時餐廳食到嘅粗，更有口感👍🏻冬陰公醬汁味道香濃，酸酸辣辣，配上意粉出奇地夾，海鮮亦好新鮮，大蝦爽彈有蝦味，青口肉厚又鮮甜
泰式醬烤牛肉粒加烤羊架配薯菜
牛肉有唔少香料嘅味道，烤到啱啱熟，仲有唔少肉汁，配上牛肉醬係幾好味，羊架有四肢骨，好抵食👍🏻👍🏻羊架大概五至七成熟，有羊香，外層有唔少脆脆，令羊架更香口，平時唔食羊既另一半今日都食左兩支骨，大讚好食😯😯仲有呢度嘅薯條係即叫即炸，所以都熱辣辣外脆內軟，仲有仲有！！呢度嘅薯條係可以免費refill😋😋😋
巴別塔甜品盤
甜品盤係以優惠價$98加購，甜品盤擺盤精緻，份量十足，三個人都夠食👍🏻窩夫係用千層酥皮製作，比平時嘅窩夫更為特別，而三個醬料都好好味，我最鍾意士多啤梨醬，酸黎好香士多啤梨味，另外個心太軟都係即叫即整，外皮有點脆口，內層流心朱古力醬香濃，配上冰凍雪糕，有少少冰火既感覺👍🏻
張貼
