影片
更多
2024-07-31
1872 瀏覽
又係每月一次中同聚，平時會bookmark定一堆餐廳，到每月一聚嘅時候，就唔洗諗爆頭食咩。哩間餐廳位於蘇豪區，由中環地鐵站，行半山行人扶手電梯上去，大約6～8分鐘路程。餐廳門口唔係對住電梯口，喺兩段電梯中間。可以選擇早啲出行人路行上去，或者上多一段扶手電梯，行落下。因為預早訂位嘅關係，唔洗等位就可以即刻入座。餐廳燈光偏暗，但又唔似酒吧咁嘈。只有送生日蛋糕，全埸員工一齊出嚟拎住搖鈴唱生日歌嘅時候，先會嘈啲。其餘時間，嘈雜程度都可以接受。Shrimp Scampi ($168)蒜香牛油蝦一共有6款前菜可以揀，我哋揀咗蝦。但係無睇清楚餐牌🙈，大家都以為係炸嘅爆谷蝦，原來係蒜香牛油汁。有6隻蝦，再加一片麵包。蝦似用水煮熟再淋汁上面，離殼後無再用汁煮，蝦肉唔入味，唔太推薦。Classiche 經典薄餅Margherita ($188)瑪格麗特薄餅有經典薄餅 或者 特製薄餅系列。我哋每樣都叫咗一款。我自己係唔食羊，就算我係芝士控，羊奶芝士都食唔到，羊羶味太太太太太重。但係哩個pizza又完全食唔到羶味喎，唔睇真啲個餐牌都唔知落咗羊奶芝士。但係個番茄醬太重手，成個pizza底好濕，浸到好淋。唔算係一
哩間餐廳位於蘇豪區，由中環地鐵站，行半山行人扶手電梯上去，大約6～8分鐘路程。
餐廳門口唔係對住電梯口，喺兩段電梯中間。
可以選擇早啲出行人路行上去，或者上多一段扶手電梯，行落下。
因為預早訂位嘅關係，唔洗等位就可以即刻入座。
餐廳燈光偏暗，但又唔似酒吧咁嘈。
只有送生日蛋糕，全埸員工一齊出嚟拎住搖鈴唱生日歌嘅時候，先會嘈啲。
其餘時間，嘈雜程度都可以接受。
Shrimp Scampi ($168)
蒜香牛油蝦
一共有6款前菜可以揀，我哋揀咗蝦。
但係無睇清楚餐牌🙈，大家都以為係炸嘅爆谷蝦，原來係蒜香牛油汁。
有6隻蝦，再加一片麵包。
蝦似用水煮熟再淋汁上面，離殼後無再用汁煮，蝦肉唔入味，唔太推薦。
Classiche 經典薄餅
Margherita ($188)
瑪格麗特
薄餅有經典薄餅 或者 特製薄餅系列。我哋每樣都叫咗一款。
我自己係唔食羊，就算我係芝士控，羊奶芝士都食唔到，羊羶味太太太太太重。
但係哩個pizza又完全食唔到羶味喎，唔睇真啲個餐牌都唔知落咗羊奶芝士。
但係個番茄醬太重手，成個pizza底好濕，浸到好淋。
唔算係一個合格嘅Margherita。
Speciali 特製薄餅
Thomas ($238)
湯瑪斯
見到隔離枱叫咗一個parma ham pizza，我哋又跟住叫試下。
味道好食過Margherita，起碼個pizza底唔係濕笠笠。
但個pizza無醬，食到尾會覺得好乾。
要加啲辣椒油 或者 配前菜個蒜香牛油汁一齊食。
總結一下，環境同氣氛都唔錯。
有幾枱人都係特登嚟打卡，慶祝生日。
但係食物質素就有啲失望，餐牌已經唔多選擇，只有幾款前菜同pizza。
餐廳應該想專注做好pizza，但連唯一主打食物都唔好食。
以相約價錢，中環有更多更好嘅選擇。
今次食完，都係會將佢列入無下次系列。
張貼
