Auntie AYI @wellwellwell

近排疫情緩和，大家都想外出輕鬆一下，最好就係行下街食好嘢。今日去咗金鐘太古廣場，可惜日本菜Kokomi已結業，原址開咗間Wellwellwell。附近食肆都多人等位，惟這店較清靜，見裝修特別就即管試吓。坐低見環境都唔錯，燈光浪漫，伴以柔和音樂。但客人唔多，侍應熱情招呼並介紹咗幾個菜式。1.泉州特產菠蘿海蜇球.海蜇球樣子較特別，只係質感太硬唔入味，食咗一粒就唔想食。😬2.櫻花蝦椒鹽豆腐.豆腐粒外脆內滑好食，但櫻花蝦同豆腐唔係好夾又唔好食，落多啲脆蒜茸仲好。🙁3.懷舊綱油脆炸鴛鴦蟹鉗.所謂嘅鴛鴦炸蟹鉗份量共有4隻，其中2隻裹上豬綱油嚟炸，2隻就好似普通宴會食到嘅做法一樣，味道都好淡，但都係油淋淋，一啲都唔脆，以每隻蟹鉗收近百元嚟計，性價比超低。👎4.懷舊芝麻糖脆皮雞.雞皮鋪滿白芝麻炸製，皮脆但帶有苦味，雞肉有鹹味而冇鮮味，肉質嚡口又唔夠熱，介紹話係新鮮雞，真係浪費咗食材，失敗之作。😩5.本地黑毛豬叉燒伴蜜餞黃豆.叉燒都尚算好食，但和早前在「天龍軒」食嘅叉燒比就有啲距離。😐6.啫啫蝦醬唐生菜.未上枱已聞到蝦醬獨有的香味，非常有氣氛，只係太鹹及多油。😞7.芫荽滑蛋本地農場叉燒腸粉.賣相精緻份量