丼吉日式吉列豬排專門店 (形點 I)

營業中

休息中

食過好多次，唔同分店都試過，服務同味道從來冇失望過，但今日竟然瀨晒嘢。今日同老公食飯，因為老公唔係好肚餓，所以叫咗一個吉列豬扒餐，另加薯仔沙律同蟹肉薯餅。職員：「單點嗰d加唔加飯同椰菜！」我：「唔加，唔該」職員：「咁你冇得免費加飯同菜架喇喎！」因為唔係叫兩個餐，所以冇得加飯同菜我完全明白，但職員講解嘅語氣真心差，好似唔係好想做我生意。唔緊要，嘢食到，味道依然好食，但食到最後兩舊，竟然係全肥膏，同職員反映，職員：「我會叫廚房留意，如果你早d同我哋講，我哋會換返一塊新嘅俾你。」之後就行開咗😦食物到，我唔會舊舊check吓先開始食囉，真係食到最後兩舊先有全肥膏嘅問題，佢咁講好似我特登食到最後兩件先同佢哋講咁，覺得我博R著數。今日嘅用餐經歷係十分不愉快。