影片
更多
2019-09-25
442 瀏覽
平時經過呢個舖都好滿座，所以未幫襯過。咁岩今日可能晏左，見到有少少吉位，唔洗等，就同男友入去試下。不過入到舖頭，地方好細+好少枱，仲要d吉枱好多垃圾，諗住坐低左就會有職員抹台，或者serve我地，點知..係冇既！咁想試下呢間野，唯有自動波，自己去收銀度拎餐牌，然後諗好就落單喇，比完錢，個收銀見到我地枱污糟，先至叫埋另一個同事執枱。坐低左，男友話好嘈，原來枱對上就係喇叭，開到勁大聲，耳都痛埋，所以轉位。等左10-20分鐘，終於有野食喇，超餓。不過，有野飲、有野食，就係冇餐具同飲管/或者搞棍。心諗，呢間餐廳真係好奇怪，奶昔同咖啡冇飲管/搞棍..可以點搞混野飲呢，，三文治唔要餐具都ok，咁熱香餅係咪又要奶住咁食？！最後問職員有冇餐具，佢地掛住玩，冇理過我地 最後，發現原來近門口張枱個底放左餐具，真係一肚氣，服務態度好差！叫左鹹夏威夷果仁咖啡..幾香、幾好味！而奶昔就好多粒粒野..鹹鹹地..又硬，感覺好怪，又甜又鹹芝士治頭幾分鐘都好好味，但係食食下開始石化，個邊仲要好難咬得開，用佢d刀叉切，差d斷開埋，都唔知咩玩法。而熱香餅，就同平時自己超市買粉+用水開嚟整冇分別。題外話，最反感嘅係，食食下野
不過入到舖頭，地方好細+好少枱，仲要d吉枱好多垃圾，諗住坐低左就會有職員抹台，或者serve我地，點知..係冇既！
咁想試下呢間野，唯有自動波，自己去收銀度拎餐牌，然後諗好就落單喇，比完錢，個收銀見到我地枱污糟，先至叫埋另一個同事執枱。
坐低左，男友話好嘈，原來枱對上就係喇叭，開到勁大聲，耳都痛埋，所以轉位。
等左10-20分鐘，終於有野食喇，超餓。不過，有野飲、有野食，就係冇餐具同飲管/或者搞棍。心諗，呢間餐廳真係好奇怪，奶昔同咖啡冇飲管/搞棍..可以點搞混野飲呢，，三文治唔要餐具都ok，咁熱香餅係咪又要奶住咁食？！最後問職員有冇餐具，佢地掛住玩，冇理過我地 最後，發現原來近門口張枱個底放左餐具，真係一肚氣，服務態度好差！
叫左鹹夏威夷果仁咖啡..幾香、幾好味！而奶昔就好多粒粒野..鹹鹹地..又硬，感覺好怪，又甜又鹹
芝士治頭幾分鐘都好好味，但係食食下開始石化，個邊仲要好難咬得開，用佢d刀叉切，差d斷開埋，都唔知咩玩法。而熱香餅，就同平時自己超市買粉+用水開嚟整冇分別。
題外話，最反感嘅係，食食下野，有個職員走埋嚟喺我側邊整掛畫，d坐位已經迫，個職員仲要迫過嚟咁我望住佢，放低埋野食，佢先講聲話整野，真係好嬲，講左先唔得既咩，同埋佢嘅整野，係將個斜左個掛畫整返正，但係整極都整唔到。其實幅畫斜左，真係咁急需要整返正咩？想趕客嘅話，我真心同你地班職員講一句，恭喜你，你地成功左喇！
所以總結嘅係，會試呢間餐廳一次，但亦都係最後一次，野食野飲幾特別都好，服務實在太差，都唔係想人幫襯！
6 瀏覽
0 讚好
0 留言
13 瀏覽
1 讚好
0 留言
35 瀏覽
0 讚好
0 留言
張貼
