茶木‧台式休閒餐廳 (Citylink) (裝修中)

中午跟朋友到一田瘋狂購物，連lunch都忘記食添！到了下午茶時間，發覺沙田都開了間 "茶木"， 印像中喺銅鑼灣亦試過佢嘅午餐，水準唔錯，於是我主動介紹朋友去沙田呢間試下，估唔到唔同區份，水準可以有咁大偏差！呢個開心果橙味蛋糕，餅底係已經氧化咗嘅消化餅，不單止不脆口， 仲有些餅乾走氣嘅感覺！綠色部份估計係開心果奶油， 不過完全沒有味道， 蛋糕部份都沒有橙味，只有奶油口感及放耐左嘅表面， 有啲乾身，好難食！好彩飲品方面都保持水準，呢杯鮮果冰紅茶，勝在唔會太甜，入口好 fresh！ 有西瓜，火龍果，芭樂，柑桔，話梅同百香果嘅味道， 夏日消暑一流！