京都一の傳

見啱啱收到政府消費券，就打算去呢度品嚐下佢地嘅日本料理。晚餐menu都算多款式，價錢中上，每款主食都要$200-$400左右。我同男朋友一共Order咗三款嘢食:1) 多汁鰻魚玉子卷2) 雜錦海鮮丼3) A4和牛涮涮鍋1) 多汁鰻魚玉子卷$88: 份量尚算ok，一碟有六件左右，大大件，蛋味濃同嫩滑，可惜鰻魚太多骨，口感打咗折扣😭2) 海鮮丼$200 up: 海鮮種類都算多，面頭仲有三文魚子同海膽，味道鮮甜，可惜成碗飯嘅份量比較細，兩個人食未必夠飽😕3) A4和牛涮涮鍋$400 up: 呢個涮涮鍋真係性價比唔高，本身見menu話係大廚推介，以為都幾好味，似壽喜燒嗰啲咁，點知店員送到時得幾片肉同幾塊菜，同預期有好大落差。啲水菜有些少苦澀味，紅蘿蔔煲極都唔淋…個鍋啲湯又好淡，要靠醬料先提升到食材味道。和牛就尚算高質，入口即溶同無筋，可惜份量太少，得6片左右，整道菜的確唔值$400+☹️帳單一共$9xx ， 略嫌overpriced，整體而言，試過一次就算了。