古今 (已結業)

柯士甸路一間小店只有幾枱，環境都幾細同窄，所以坐得唔係幾舒服。呢間店賣點係佢啲卷物，呢個叫做「富士山」既，睇相同實物，實在都天同地。味道非常一般，毫無驚喜，唔值呢個價錢。呢個係炸明太子雞翼，中規中矩。但$36/2隻嚟講就真係貴啦。呢個炸魷魚鬆辣泡菜，墊底既泡菜幾好食既，炸魷魚都OK雞泡魚乾都有一定水準，唔會太乾，好食既，但偏貴。壽司嚟講其實都一般，無乜特別，唔值呢啲價，海膽一件成$50。生蠔都幾新鮮既，價錢都尚可接受。最後無expect個所謂既八爪魚沙律，個汁都好杰咁，唔好食...比個求其既點餐紙大家望下啦，其實收費唔平，真係可以整返靚少少。