清玉 (已搬遷) 新店位置

我們一直掃咗三站都係食嘢之後，嚟到第四站我們揀咗飲啲嘢，我們亦都係揀咗喺旺角登打士街嘅「清玉」買嘢飲！喺諗緊飲啲咩嗰陣，見到餐牌上蘋果冰醋嘅賣相都幾吸引，所以我們就買咗嚟飲，但出到嚟嘅賣相就同圖片影嘅有好大嘅分別，因圖片有幾片蘋果片做裝飾，但而家就無咗，祇係得啲蘆薈果肉，味道飲落都幾清甜，酸酸甜甜都算幾醒胃清新，但蘋果味唔算太過濃郁！