新大光燈

營業中

休息中

晏晝無乜做喺條街度行嚟行去散下步，行下行下見到呢間茶餐廳咁鬼大個招牌喺牆度，之前又未食過就食下啦。 哇～ 幾多唔同款嘅套餐組合。見到有雲吞麵，可以轉河粉，真係合晒何車，即嗌，而且有碟菜心同嘢飲。個河粉軟滑，正正常常。雲吞就得四粒，而且略嫌有啲偷工減料。因為每粒只包得一隻鮮蝦，無筍，無豬肉 😂 不過蝦都算大隻，亦唔似冰鮮蝦。菜心okay嘅，無特別甜或爽脆。但奶茶完全唔掂。茶膽用埋啲下價茶，又苦又燶，好鬼難飲 😟 勉強飲左三分一杯後就放棄左。間野無預期想像中咁好，有啲失望。