椰小盅燉湯專門店 (太古城中心)

營業中

休息中

椰小盅不嬲係我喜愛嘅小店，每次去親太古城都會放棄其他美食去幫襯，飲個竹笙子排湯。但最近呢一兩個月去幫襯左兩次，有堂食有外賣，結果令人好失望。近呢兩個月試咗兩次堂食兩個外賣，結果得一次個湯係有椰子味。以前嘅竹笙厚厚好有口感，有傘嘅，豬肉又甘又腍，仲有一片椰肉。而家呢，竹笙簿Ed Ed爛蓉蓉咁，一大堆豬骨，湯嘅椰子味好薄弱，只見印度椰子一片。真係好懷疑仲係咪原盅燉出嚟嘅湯。除非抱住搏一鋪嘅心態，否則應該唔會再幫襯。仲有幾個位冷氣機係咁滴水。