影片
更多
2022-04-27
1450 瀏覽
實在有一段時間沒有外出食晚飯，連新年團年飯都未曾與屋企人慶祝，所以今次就屋企人食返餐豪d既，今次黎到位於炮台山嘅潮味居，聽說係由一對老夫妻二人一手經營，經驗老到嘅手勢的確。先嘗一杯功夫茶，茶味濃郁但係有少少酸味，作開胃一流。1. 小吃拼盤（香煎小海魚，凍食小吊筒，家鄉千層肉）估唔到第一道菜已經用視覺震撼我嘅感官，用乾冰盛載著三款特色小食，當中我最欣賞嘅就係家鄉千層肉，一片片以豬油脂果凍包裹的豬耳，蘸潮州甜醋令人格外醒神！2. 一口鮑魚拼鹵水鵝片以古法滷水汁烹煮嘅鵝，肉質油脂感豐富，非常令人垂涎三尺，墊底嘅花生竟然係家母既至愛，索晒上面嘅鵝汁，風味十足。一口鮑魚有酸梅汁既襯托，令本身鮑魚嘅鮮味更突出。3.潮州紅燒花膠魚翅黎到最期待嘅花膠魚翅，依個唔係平時我哋食開喺酒樓嘅魚翅，其濃稠程度係無可比擬的，用左一個迷你版既鼎盛載住，更加突顯本身食材既矜貴。4.蘿蔔灌漿拼手打墨魚餅蘿蔔灌漿爽口清甜，一口口的蘿蔔絲實在令人滿足，外圍用炸腐皮添加左另外一種口感。 手打墨魚餅配上柑橘柚汁，酸酸甜甜十分可口。5.古法鹹菜筍殼魚又一款師傅引以為傲的傳統工藝，用鹹菜同梅子蒸過的筍殼魚，鮮嫩多汁。6. 家鄉普寧
先嘗一杯功夫茶，茶味濃郁但係有少少酸味，作開胃一流。
1. 小吃拼盤（香煎小海魚，凍食小吊筒，家鄉千層肉）
估唔到第一道菜已經用視覺震撼我嘅感官，用乾冰盛載著三款特色小食，當中我最欣賞嘅就係家鄉千層肉，一片片以豬油脂果凍包裹的豬耳，蘸潮州甜醋令人格外醒神！
2. 一口鮑魚拼鹵水鵝片
以古法滷水汁烹煮嘅鵝，肉質油脂感豐富，非常令人垂涎三尺，墊底嘅花生竟然係家母既至愛，索晒上面嘅鵝汁，風味十足。
一口鮑魚有酸梅汁既襯托，令本身鮑魚嘅鮮味更突出。
3.潮州紅燒花膠魚翅
黎到最期待嘅花膠魚翅，依個唔係平時我哋食開喺酒樓嘅魚翅，其濃稠程度係無可比擬的，用左一個迷你版既鼎盛載住，更加突顯本身食材既矜貴。
4.蘿蔔灌漿拼手打墨魚餅
蘿蔔灌漿爽口清甜，一口口的蘿蔔絲實在令人滿足，外圍用炸腐皮添加左另外一種口感。 手打墨魚餅配上柑橘柚汁，酸酸甜甜十分可口。
5.古法鹹菜筍殼魚
又一款師傅引以為傲的傳統工藝，用鹹菜同梅子蒸過的筍殼魚，鮮嫩多汁。
6. 家鄉普寧豆醬焗鮮雞
熱辣辣既砂煲配上普寧豆醬既鮮雞，實在係出面小見既菜式，十分出色
7. 潮州方魚生炒芥蘭
芥蘭鮮嫩爽甜，食得出本身食材既新鮮
8.潮州乾燒雙面黃
炸過的麵黃配上白砂糖，係男女老少都喜愛既甜品！
9.潮州香蔥返沙芋
炒芋頭的確很考師傅既功夫，能炒一個有沙既芋頭更需要本身芋頭既品質，今次師傅兩個要求都能達到，實在十分完美
10.時令生果
最後以冰凍波子青提子作結，真係透心涼！
張貼
