Channel 3 Tapas Bar & Restaurant

營業中

休息中

放工想同男女朋友/三五知己把酒談歡，可以黎呢間酒吧，放鬆chill 下😝 餐廳主打多款西班牙前菜Tapas 同料理，選擇好多，好啱配酒飲，總有一款啱你。酒類既選擇眾多，坐吧枱可以欣賞到調酒師即場調配。唔飲酒嘅朋友都會有多款Mocktail 同果汁供選擇。環境舒服，有個大螢幕投影歌曲片段，好有feel。一入座待應就先送上小食Nachos配自家製忌廉醬，個忌廉醬好好食，用黎配炸野一流。試左兩款Tapas 1.）烤和牛脷配蕃茄莎莎醬 2.）鵝肝多士 。比較鍾意牛脷，煮得幾淋，加上莎莎醬好清新，配合得好好。主菜試咗好多人推薦嘅西班牙海鮮炒飯，仲有特色烤BB乳豬。西班牙海鮮炒飯份量都幾多，配料有肉腸魷魚青口同大蝦，熱辣辣。烤乳豬配上薯角大大碟，乳豬皮香脆，唔會太肥。整體價格中上，但環境舒服，野食ok，可以一試。