Channel 3 Tapas Bar & Restaurant

營業中

休息中

墨西哥脆片配上酸忌廉醬好惹味，而且可以一次性收費無限refill，啱晒送酒過口癮-西班牙海鮮炒飯海鮮份量都幾多，有蝦、青口等，但燴飯質地欠佳，完全沒有調味，雖然有配上檸檬汁調味，帶返海鮮啲鮮味出嚟，但整體食落非常淡味-美國精選安格斯肉眼扒配紅酒汁有茄子同蘆筍做配菜，肉眼質地好韌，面頭灑上香草做調味，配上紅酒汁，咬到牙都軟，而且冇乜牛肉味-Strawberry colada賣相好靚，適合打卡！但飲落都幾重士多啤梨藥水味，平時得Pina colada，呢間有strawberry Colada，鍾意士多啤梨人士嘅話都可以考慮試下嘅

呢間之前想食好耐，今日去開太子行街去試下～一坐底就上左份小食nachos，附上個醬好惹味好快就清哂黑魚子蟹肉多士黑魚子加上蟹肉係雙重鮮味烤和牛舌配蕃茄莎莎牛舌好嫩滑食到有濃郁肉香配上蕃茄莎莎好清新 洋蔥中和左油膩感好平衡完美配搭 天多尼雞肉自家手打pizzaPizza送上枱時熱辣辣，批底薄餅底外脆內軟，芝士份量好足，一路食都有拉絲效果，雞肉食到有印度風味香料味道西班牙黑毛豬叉燒配焦糖蘋果一上枱已經聞到好熟悉叉燒香氣，叉燒有焦香燶邊效果食落皮脆脆地但唔會苦，黑毛豬唔肥但肉質軟腍彈牙唔會柴，配埋焦糖蘋果酸酸甜甜食落唔膩口

喺太子附近都有唔少西餐食～今日就試左間裝修唔錯嘅餐廳試試～🦞 西班牙海鮮飯份量超級多🤣食唔晒佢都炒得幾香～同埋帶少少辣～食落都開胃啲不過略嫌海鮮未夠入味但勁大隻蝦🤣就咁食都好食～🐄 紅酒燴牛舌配野菌手工闊條麵 手工麵我都幾鐘意食～依款比較厚身啲就有口感配埋個汁比我感覺似鼓油炒麵🤣個牛舌就係偏厚身不過有啲老🤔整體都算香口～🥖 鵝肝多士個鵝肝冇乜油份～算偏老但麵包就幾脆配搭埋中規中矩🥣 磨菇湯正常無特別不過飲完有啲啲粉🤣總結就係正常發揮嘅餐廳～不過環境比較岩同人約會去食晚飯嘅餐廳～

一黎就會有nacho同sour cream🤤香煎和牛舌配蕃茄莎莎 $28@1牛舌都幾淋，配合埋蕃茄莎莎酸酸地意外地好夾帕爾瑪火腿配蜜瓜 $26@1紅梅汁同清甜蜜瓜，鹹香嘅火腿片好好食👍🏻招牌炸雞翼 $78好juicy嘅雞肉，嫩滑又冇雪藏味！西班牙海鮮炒飯魷魚，八爪魚，蜆肉，蝦肉，辣肉腸一齊食食落都幾creamy但唔漏～辣肉腸又唔會太鹹而且青口同蝦都好新鮮🤤叫左gin tonic，snowball兩杯都好易入口，gin嗰杯酒味相對濃啲第一次試蛋酒同七喜呢個組合原來都好好飲飲落有少少似益力多/乳酪味加左七喜咁👍🏻一路食一路飲聽住音樂都幾有情調同其他酒吧街相比氛圍都唔錯👍🏻

平時去酒吧街都係飲下酒同朋友chill下今次就去食西班牙菜墨西哥脆片！！配上酸忌廉醬好惹味，而且可以一次性收費無限refill，啱晒送酒過口癮西班牙海鮮炒飯海鮮份量都幾多，有蝦、青口等，燴飯質地唔錯，調味唔會過重，配上檸檬汁調味，帶返海鮮啲鮮味出嚟美國精選安格斯肉眼扒配紅酒汁有茄子同蘆筍做配菜，肉眼質地唔錯，脂肪分布平均，面頭灑上香草做調味，配上紅酒汁，有咬口得嚟牛肉味都夠重Strawberry colada賣相好靚，適合打卡！飲落都重士多啤梨味，平時得Pina colada，呢間有strawberry Colada，鍾意士多啤梨人士值得一試！

🌸Nuts｜$45無限refill既墨西哥脆片，配sour cream蘸醬好正。🌸西班牙海鮮炒飯｜$188偏向濕潤既炒飯，飯粒分明彈牙，有紫洋蔥同埋唔同既海鮮系入面。飯粒吸晒海鮮嘅鮮味同湯底嘅精華，蝦、青口、魷魚都好新鮮，咬落去彈牙🌸西西里海鮮自家手打pizza｜$118餅底係手打嘅，咬落去比較脆身，帶少少煙韌。上面鋪滿新鮮海鮮，蝦、蜆、魷魚都好彈牙，鮮味十足。番茄醬底酸甜適中，加埋芝士嘅濃香，仲可以拉絲。最正係佢嘅香草同蒜香，令成個Pizza更加有層次。🌸鵝肝多士｜$48@1鵝肝油脂香氣濃郁，帶少少甘香。多士烤得香脆，同鵝肝嘅柔滑形成完美對比。加埋少少黑醋汁，酸甜味平衡咗鵝肝嘅油膩感。🍸Mojito

酒吧搖身一變，係一間西班牙菜店舖🍴意想不到呢？有情調有格調，放工小酌一杯🍸傾下計，輕鬆享受就係咁簡單！𝑭𝑶𝑶𝑫𝑺1〉香蒜辣椒蝦扁意粉 $138 （大推薦🌟）J哥大讚菜式！離遠已經聞到香味～少少辣味吊胃！蝦肉鮮嫩，味道十足，配上香蒜同辣椒，簡直係完美組合！意粉煮得剛剛好，唔會太軟，口感非常好2〉蘑菇帕爾馬火腿手打Pizza $138 （推薦🌟）重點芝士多先至吸引！芝士拉絲效果真係大癲，睇到WO妹都讚不絕口！拉絲拉到勁高！餡料豐富又好味！3〉西班牙雞肉辣肉腸燴飯 $138 米飯煮得恰到好處，粒粒分明，唔會太黏！醬汁濃郁，米飯吸收咗所有味道，正啊！4〉Nuts $45 作為開胃小食唔錯！脆口芝士片點醬食，就好似先啟動個味蕾咁⋯⋯之後再食主菜就加哂分！𝑫𝑹𝑰𝑵𝑲5〉Charm Around $85 （推薦🌟）賣相已經好吸引！飲落口感似沙冰，味道方面就芒果味比較突出～好清新啊！6〉鬼佬 $75（推薦🌟）杯啤酒個名都幾過癮～飲落開頭麥味好重，絲滑！但最後會有一陣甘味出黎，比較特別同深刻～-

旺角有一間西餐廳幾岩傾計的！ 仲有nuts 食，又可以叫cocktail 飲！ 天多尼雞肉自家手打薄餅🍕✨ 手打的薄餅一定口感特別好，外脆內軟，加上雞肉的鮮嫩美國精選安格斯肉眼牛扒配紅酒汁🥩🍷 安格斯牛肉以其豐富的肉質和細膩的紋理著稱，搭配紅酒汁，絕對能讓肉質更加鮮嫩多汁！你有沒有嘗試過搭配一些配菜有烤蔬菜茄子🍆！ 蟹膏配香煎玉子🦀🍳 蟹膏的鮮美與香煎玉子的嫩滑結合在一起是海鮮與蛋的邂逅！每一口都能感受到豐富的海味和蛋香！

旺角警察後面酒吧街嘅 Channel 3 Tapas Bar & Restaurant值得推薦，無論裝潢、食物定飲品都有質素，氣氛同格調都令人舒服。呢次我同契女一齊試咗幾道菜，仲搭配咗兩杯精緻飲品，成個晚上滿載驚喜同滿足。芒果蟹肉沙律 🥭🦀 一上枱嘅賣相已經非常吸睛，鮮甜既蟹肉配埋清甜嘅芒果粒、蕃茄同洋蔥，每啖都感受到層次豐富嘅口感。香煎法國鵝肝多士 🍞🥂 鵝肝經過完美香煎，油脂濃郁得嚟仲保留住嫩滑口感，多士酥脆嘅質地，令每啖都係咁令人回味。呢份前菜既滋味同精緻完全符合我對高質餐廳嘅期待。德國蜜汁燒豬手 🐷🍺 呢道主菜真係整晚嘅焦點，豬手份量十足，外皮香脆可口，肉質嫩滑多汁，調味適中。熱辣辣嘅豬手配埋薯角，食落濃香但唔會過膩，最啱搭配啤酒，完美享受。兩杯飲品叫左Gin Tonic 同 Sweet Day 🍸🍹 Gin Tonic 就唔需要多介紹，調配得恰到好處。而另一杯 Sweet Day 更加搶眼，bar tender哥哥話個名又叫「假益力多」，入口確實有濃郁嘅菠蘿香同益力多嘅酸甜感，好易入口，令人一試難忘。。

與友人吃飯聊天，他帶我來太子一間酒吧，原本以為旨在喝酒聊天，沒想到食物質素非常高餐前小食 - 玉米片配酸忌廉醬 $45玉米片香脆，配濃郁酸忌廉奶香醬汁，很好的開胃菜，而且吃完店員會自動為你添新一碗香煎和牛舌配蕃茄莎莎 $28/件蕃茄莎莎是番茄粒，檸檬汁，洋蔥粒等混合，口感清新，配濃郁肥美的煎和牛舌，兩者配合得很好天多尼雞肉自家手打薄餅（9吋） $128雞肉以馬沙拉香料、紅椒粉、洋蔥蒜蓉等奄過，香氣撲鼻，瀑布拉絲芝士，配上香脆即烤薄餅底，好吃黑松露炸薯條 $78新鮮熱辣炸起，黑松露份量毫不吝嗇，配黑松露沾醬，非常香濃下酒板燒西班牙帶骨黑豚肉配秘製西班牙醬汁 $248黑豚肉熟度剛好不會過老，肥瘦適中，豚肉味香濃，配烤翠玉瓜和茄子解油膩，薯蓉幼滑帶牛油香氣，由主菜到配菜都出色每碟菜式都好吃，比一般西班牙菜餐廳更出色

放工想同男女朋友/三五知己把酒談歡，可以黎呢間酒吧，放鬆chill 下😝 餐廳主打多款西班牙前菜Tapas 同料理，選擇好多，好啱配酒飲，總有一款啱你。酒類既選擇眾多，坐吧枱可以欣賞到調酒師即場調配。唔飲酒嘅朋友都會有多款Mocktail 同果汁供選擇。環境舒服，有個大螢幕投影歌曲片段，好有feel。一入座待應就先送上小食Nachos配自家製忌廉醬，個忌廉醬好好食，用黎配炸野一流。試左兩款Tapas 1.）烤和牛脷配蕃茄莎莎醬 2.）鵝肝多士 。比較鍾意牛脷，煮得幾淋，加上莎莎醬好清新，配合得好好。主菜試咗好多人推薦嘅西班牙海鮮炒飯，仲有特色烤BB乳豬。西班牙海鮮炒飯份量都幾多，配料有肉腸魷魚青口同大蝦，熱辣辣。烤乳豬配上薯角大大碟，乳豬皮香脆，唔會太肥。整體價格中上，但環境舒服，野食ok，可以一試。

個Pizza唔正宗個餅底好硬，好似食緊餅乾咁同平時喺西班牙餐廳食嘅Pizza好唔同有啲失望😅😅仲見到佢咁高評分😅😅😅員工態度都有待改善唔係好想理客直接走咗去

🔹️與朋友仔到太子 “Channel 3 Tapas Bar and Restaurant” 西班牙吧餐廳🥂 我們選擇了坐吧枱, 可看到調酒師瀟灑地調酒🍸 食物高質有心思👍 店員殷勤、高效率🧑‍💼🧑‍💼 價錢合宜💰🔸️小食🫓先送來墨西哥脆片配酸忌廉醬, ,啖啖香脆🥯 還可以不斷Refill👍🔸️燒烤醬雞肉芝士焗薄脆🐔🧀🫓薄脆香脆可口, 雞肉嫩滑、芝士鹹香🤤🔸️蟹膏配香煎玉子🍮以綿綿鮮甜蟹膏配幼滑玉子, 啖啖滋味😋🔸️香煎帶子豚肉配栗米蓉🍡帶子鮮香嫩滑配綿綿粟米蓉, 越食越開胃☺️🔸️香煎和牛舌配蕃茄莎莎🐮👅🍅以香煎和牛舌肉質軟腍多汁, 配粒粒清甜蕃茄味道鮮香合拍🤝🔸️西班牙黑毛豬义燒配焦糖蘋果🐖🍎以半肥瘦西班牙黑毛豬, 肉質鮮嫩幼滑, 蜜味香濃, 配甜甜哋的焦糖蘋果So Yummy 👍🔸️Alexander🍸充滿濃郁白蘭地、香滑牛奶味🤗🔸️Pinacoloda🍹以Rum酒、香甜椰奶、清甜菠蘿汁、幼滑牛奶製成👍

這間酒吧位於太子，非常方便，以其獨特的氛圍和創新的菜單而聞名。適合聚會和放鬆。精選的雞尾酒和多樣的餐前小食。墨西哥粟米片配黑松露醬 這道小食是開胃的絕佳選擇。脆口的粟米片搭配香濃的黑松露醬。龍蝦汁大蝦扁意粉 龍蝦汁的鮮美使這道意粉特別出眾。大蝦新鮮多汁，與扁意粉的口感相得益彰。芒果蟹肉沙律 這道沙律清爽可口，芒果的甜酸與蟹肉的鮮美相互交融，非常新鮮開胃。墨西哥傳統牛肉餡餅 牛肉餡餅的外皮金黃酥脆，內餡豐富多汁。牛肉的味道濃厚，搭配香料的微辣感，讓人一口接一口，十分過癮。黑魚子赤蝦炸豆腐配柚子汁 這道創意菜品結合了炸豆腐的酥脆與黑魚子的鹹香，赤蝦的鮮美使整體口感層次分明。柚子汁的酸甜為菜品增添了清新感，平衡了味道。煙三文魚忌廉芝士包 這道小食的煙三文魚味道濃郁，搭配潤滑的忌廉芝士，口感細膩。再配上酒味，非常絕配。這間酒吧的每道菜都有其獨特之處，無論是口感還是味道都讓人印象深刻。搭配酒吧的精選飲品，非常享受。

太子警署後面有條酒吧街 如果放工想chill下 係一個唔錯嘅選擇 揀咗呢間 係因為見啲人對食物嘅評價都唔錯 有時去飲野食野 唔多酒吧餐廳可以兼顧到酒&食物質素 但呢度嘅食物質素幾唔錯 值得再encore 小食 墨西哥脆片 $45 餐前小食 香脆可口 配合沙律蛋黃醬 非常開胃 黑魚子蟹肉多士 $28/pc 濃郁嘅黑魚子蟹肉醬 搭脆口多士 份外惹味 香煎法國鵝肝多士 $48/pc 鵝肝嘅油脂豐盛濃郁 油香停留係口腔 而且多士又脆又香口 令人回味 墨西哥傳統牛肉餡餅 $108 皮薄脆口 餡料係咖喱牛肉 有啲似中東個種香料 非常惹味 西班牙黑毛豬叉燒配焦糖蘋果 $268 有驚喜 肉質非常有彈性 調味唔會搶咗黑毛豬本身嘅肉味 配粒粒焦糖蘋果一齊食 中和肉味嘅油膩感 滿足 Hoegaarden $98 小麥味香甜可口 解渴解膩