月橋正宗越南湯粉

營業中

休息中

這間位於太子的越南餐廳，店內裝修簡潔，堂食外賣人流都多。招牌火車頭湯粉：一碗有齊牛肉、牛丸、牛展、牛腩，材料十足。火車頭最精華既係牛骨湯底，湯清味濃、河粉滑溜、牛肉肉質細嫩、牛丸爽彈爆汁、牛展炆得軟腍、牛腩肥瘦適中，果然係招牌，煮得出色，又抵食。月橋四寶飯：可以一次過品嚐四款食材，包括雞翼、豬扒、扎肉、煎蛋，雞翼煎得夠香、豬扒有香茅味、扎肉彈牙、加埋煎蛋，就成為一道超級美食。越式米子卷：餡料有扎肉、紅蘿蔔、青瓜、米粉、薄荷葉，沾上酸酸甜甜的魚露醬汁，非常開胃醒神。越式法國麵包：即叫即整，法包烘得好香脆，雞扒同配菜都有好多，雞肉嫩滑，加埋沙律醬，十分推介。椰汁紅豆冰：椰漿味香濃，紅豆煮得軟綿，香甜好飲。總括而言，店舖位置方便，越南人主理，食物有正宗越南菜既風味。