影片
更多
2025-02-06
155 瀏覽
收工同朋友行完街，去到太子洗衣街附近搵食，經過一間裝修幾有特色，行文青風格的cafe小店。入去就試吓二人餐。二人餐包括餐湯和飲品，仲有小食、主菜兩款 最後唔少得甜品。餐湯是南瓜湯，非常creamy! Chill Pill Salad Bowl跟餐嘅沙律，以為係一小碗普通凱撒沙律，點知原來份量十足，我哋兩個人都食唔晒！主角竟然係被譽為最適合人類的「完美全營養食品」藜麥，配上其他新鮮蔬菜例如小豆芽，蕃茄仔，生菜，番薯同南瓜，營養夠晒豐富，加埋黑醋就唔會乾淨淨。唐揚炸雞楓糖漿班戟首先賣相超啱打卡，一層層嘅配搭每層都有唔同口感同驚喜！流心水煮蛋配大大嚿炸雞，雞炸完都仲係嫩滑Juicy，沾上蛋汁口感更輕盈！炸雞同班戟之間嘅焦糖青蘋果片燒得脆脆的，酸酸甜甜為炸雞帶來一點清新最後楓糖漿品嘗起來十分滑順溫和，焦糖香氣十足，同淡淡蛋香味的班戟很配合。蕃茄香草肉丸粗管意粉粗管意粉非常有咬口，蕃茄汁是傾向偏甜的方向，食落去都幾掛汁。加上肉丸又彈牙，呢個配搭都冇得輸。最後甜品已抹茶牛角包窩夫作結，另一款選擇係柚子牛角包窩夫，最後都係揀咗抹茶。外貌十足似港式雞蛋仔，原來內有乾坤，食落香酥可口，配上抹茶雪糕和香濃
收工同朋友行完街，去到太子洗衣街附近搵食，經過一間裝修幾有特色，行文青風格的cafe小店。入去就試吓二人餐。二人餐包括餐湯和飲品，仲有小食、主菜兩款 最後唔少得甜品。
餐湯是南瓜湯，非常creamy!
Chill Pill Salad Bowl
跟餐嘅沙律，以為係一小碗普通凱撒沙律，點知原來份量十足，我哋兩個人都食唔晒！主角竟然係被譽為最適合人類的「完美全營養食品」藜麥，配上其他新鮮蔬菜例如小豆芽，蕃茄仔，生菜，番薯同南瓜，營養夠晒豐富，加埋黑醋就唔會乾淨淨。
唐揚炸雞楓糖漿班戟首先賣相超啱打卡，一層層嘅配搭每層都有唔同口感同驚喜！
流心水煮蛋配大大嚿炸雞，雞炸完都仲係嫩滑Juicy，沾上蛋汁口感更輕盈！
炸雞同班戟之間嘅焦糖青蘋果片燒得脆脆的，酸酸甜甜為炸雞帶來一點清新
最後楓糖漿品嘗起來十分滑順溫和，焦糖香氣十足，同淡淡蛋香味的班戟很配合。
蕃茄香草肉丸粗管意粉粗管意粉非常有咬口，蕃茄汁是傾向偏甜的方向，食落去都幾掛汁。加上肉丸又彈牙，呢個配搭都冇得輸。
最後甜品已抹茶牛角包窩夫作結，另一款選擇係柚子牛角包窩夫，最後都係揀咗抹茶。外貌十足似港式雞蛋仔，原來內有乾坤，食落香酥可口，配上抹茶雪糕和香濃抹茶醬，都幾好食！
張貼
