2 Soon Cafe

營業中

休息中

朋友呢日約我去一間好靚嘅太子Cafe，原來係呢間好靚嘅紅磚西班牙菜Cafe。行過已經見到好靚嘅西班牙特有紅磚拱形牆，估唔到樓上一樓別有洞天，拱形窗同埋弧形梳化位，超有度假feel呀。Lunch set🎈是日沙律🎈蒜片欖油大蝦超香嘅蒜片橄欖油大蝦，烘到脆嘅麵包沾上橄欖油汁食，食多2塊都得。🎈日式牛肉壽喜燒炒烏冬配日本蛋黃估唔到壽喜燒牛肉配炒烏冬都幾夾，烏冬索晒壽喜燒汁嘅甜味，配埋日本生蛋黃，又滑又香。🎈蟹肉伏特加蕃茄忌廉粗管通粉淡淡煮熱蒸發後嘅酒香伴住蕃茄忌廉汁，粗管意粉食落都有淡淡嘅甜味，而且蟹肉份量都唔少。🎈西班牙油炸鬼配玉桂糖必點必點！剛剛炸起嘅西班牙油炸鬼，外面沾滿肉桂糖，再沾上香濃朱古力醬同雲尼拿雪糕，真係超級好味。🎈橘子咖啡🎈熱情果咖啡呢兩款氣泡水果咖啡，好好飲，咖啡香味夠濃厚。晚餐約朋友嚟食，約好姊妹談心，或者情侶拍拖，上一樓雅座真係好合適，特別有情調。