徐記廚房點心 (已結業)

中午差不多2點突然想午餐食點心，但附近點心鋪排隊的人太多，所以選了這間也是食中式點心的餐廳。我們去到時剛有人離開，所以基本上不需要等就能入座。點心紙的選擇不多很快就能下單。原先打算食一輪之後再追加點心，可惜上菜慢，因已落單唯有坐在餐廳內等，其他枱也有相同情況。叉燒包：大大個包夠熱，料足。外層鬆軟調味剛好，叉燒半肥瘦比例剛好，不會食落一口油。牛肉腸粉：份量較少，腸粉皮略厚，中間一層的內餡少，味道偏咸。鮮蝦腐皮卷：炸得鬆脆，但內裡的餡少之又少，蝦肉比例只有1/3，所以一直只食到外層的腐皮。而師傅調味時可能重手了，令到味道偏咸。整體評價：餐廳食物質素只是基本可以接受，但價錢太偏貴。加上餐廳內人手不足，店內只有2～3個侍應負責執枱，上菜，落單，出單，所以每枱客人落單後大多都要等一段時間。而衞生方面，不時見到有些烏蠅及小昆蟲在飛，所以有待改善。