Noc Noc

營業中

休息中

太和人口唔算多，但出乎預期有唔少bar/酒舖。今晚就去左太和嘅Noc Noc搵食。餐廳嘅座位編排唔會好逼，枱與枱之間留左唔少空位。食嘢飲酒傾計黎講係個好地方。如果鐘意飲酒，建議黃昏時間黎，因為餐廳有個啤酒任飲plan。嘢食方面係西式，但種類唔算少。今日叫左牛油果火箭菜沙律、檸檬蟹肉忌廉意大利麵、西班牙海鮮焗飯同埋一杯Gin Fizz。首先送上嘅係杯cocktail，而頭兩樣食物大概10分鐘內送上，時間上唔使等太耐。沙律蔬菜數量頗多，反意大利麵相對地令人印象深刻。麵嘅醬汁啱啱好，上面灑上少量蟹籽，另麵嘅味道層次再提高。麵中加入幾塊檸檬，不妨試下捲起麵起後刷一刷檸檬，加上酸味後整體味道會幾新鮮。海鮮飯需時準備，有意一試嘅話記得先行落單。海鮮飯飯質偏向意大利飯，而且略帶辣味，有別於一般以茄汁為基礎嘅海鮮飯嘅單調。