豚丼のぶたはげ (康怡廣場北座)

營業中

休息中

難得喺太古搵到一間超抵食嘅日式料理餐廳，百幾蚊就可以食松葉蟹，一人前鍋物都係一百蚊左右就搞得掂，絕對係糧尾恩物！‣ 松葉蟹土鍋飯 $108米飯相當之軟熟可口，即場煮十幾分鐘，每一啖飯都充滿住蟹嘅鮮味。賣相都超級精緻，再加上旁邊嘅蟹味噌同三文魚籽，直程將成個飯嘅鮮味提升去另一個層次，忍唔住將啲飯焦都食埋，呢個價位絕對冇得輸。‣ 雙滿足鍋物 $96識食一定食牛五花同豬五花，肉嘅份量都唔少，食完一個都夠你捧住個肚走。我自己就嗌咗胡麻醬配烏冬，係一個食落好舒服嘅組合，而烏冬本身都好有咬口好滑溜，選擇困難嘅話嗌呢一款就啱晒。‣ 天婦羅5點 $48天婦羅唔會好油膩，南瓜炸完之後更加食到本身嘅甜，而茄子亦都炸得好軟稔，入口綿滑。絕對不得不提就係虎蝦同帆立貝，兩者依然保留到彈牙爽口嘅口感，值得一試。‣ 半熟蛋 $10每次見到半熟蛋天婦羅都忍唔住叫，因為覺得炸完仲保留到半熟嘅狀態真係相當之吸引。咬落去見住啲蛋黃慢慢流出嚟，十蚊一隻好抵食。‣ 帆立貝茶碗蒸 ＋$15蛋嘅質感好滑溜，真係入口就化咗。搭配帆立貝，簡直係完美嘅組合。‣ 期間限定甜品 ＋$12最後叫返一個慕絲，酸酸甜甜好解膩。