Apinara

營業中

休息中

今日同FD到太古廣場取預定啲戒指，行過哩間餐廳睇落似NARA THAI姊妹店，Google search下真係，咁晚上就食佢啦。餐廳晚上7點已經FULL咗7成，同埋裝修同NARA THAI好似，好有泰國FEEL。一坐低，侍應即刻送上一碟蝦片，同埋宜家轉咗QR code落單，都幾方便。蝦片炸得好脆口，可以等住嘢食慢慢食。香飄紅咖喱魷魚球，哩份好得意，用住鳥籠裝上來。魷魚球好Q彈，咖喱味就未算好重，都搭配咗蔥絲一齊食，唔錯。咸蛋虎蝦青木瓜沙律，虎蝦同出面普通煮熟唔同，係炸過嘅，虎蝦算大只，食落好鮮甜。咸蛋要同青木瓜沙律撈埋一齊才好味，青木瓜搭配埋酸辣醬汁再加上鹹蛋鹹味，好味。泰式牛肉船面，哩份面勁豐富，有牛肉片，鹵水牛腱，牛肉丸，炸豬皮，仲有牛百葉TIM。湯底睇得出真係落足料黎煲，好似都落咗沙爹醬，成碗湯底都幾重沙爹味。我對沙爹就麻麻地，但係啱曬我FD，最後成碗都比佢食曬。有了NARA THAI保證，唔洗食我都知道唔會好差，最後真係好滿意。