影片
更多
2018-03-25
46 瀏覽
入開嚟天水圍食揾朋友食飯，估唔到開到有幾間分店既味亞萊泰開到入嚟天水圍TTown! 咁就想約朋友去食下飯，傾下計！餐廳環境幾靚，樓底高，空間感不錯！而且都坐得幾舒服！餐廳由細檯到家庭檯都有，適合一家大細嚟食飯！餐廳提供既泰菜，選擇都幾多，小食，沙律，海鮮，小菜，各式飲品，甜品都有供應！而且價錢仲幾大眾化！我哋坐抵無耐就叫左兩個小食，分別係酸酸辣辣既泰式無骨鳳爪，呢個小食真係份量十足，都幾大碟，足夠兩人食！ 鳳爪爽口！酸辣味適中，都幾醒神！餐廳未有提供象啤，不過都有青島，而且價錢都幾經濟$22! 除左鳳爪外，我哋仲叫左個份量十足既小食拼盤，入面有魚餅，蝦餅，扎肉，同春卷，全部都炸得非常香脆，尤其係個魚餅已經做得好彈牙，香茅味令d魚肉更好味！食完小食，我哋叫左既主菜都嚟到，先有咸魚炒椰菜苗，同埋鮮蝦炒金邊粉！ 先講個咸魚椰菜苗，咸魚既咸香味撲鼻而來，仲有少少辣椒同香蒜吊味！椰菜爽口香甜！再講埋個有幾有鑊氣既炒金邊粉，一唔油膩，二夠大碟，三用料十足，大蝦新鮮，爽滑彈牙！ 最後嚟到我既必食甜品，芒果椰汁白糯米飯，芒果鮮甜，糯米飯煙韌，加上又大碟，我哋兩個幾乎食唔晒！以後去天水圍揾野食，又多個
餐廳環境幾靚，樓底高，空間感不錯！而且都坐得幾舒服！餐廳由細檯到家庭檯都有，適合一家大細嚟食飯！
餐廳提供既泰菜，選擇都幾多，小食，沙律，海鮮，小菜，各式飲品，甜品都有供應！而且價錢仲幾大眾化！
我哋坐抵無耐就叫左兩個小食，分別係酸酸辣辣既泰式無骨鳳爪，呢個小食真係份量十足，都幾大碟，足夠兩人食！ 鳳爪爽口！酸辣味適中，都幾醒神！
餐廳未有提供象啤，不過都有青島，而且價錢都幾經濟$22!
除左鳳爪外，我哋仲叫左個份量十足既小食拼盤，入面有魚餅，蝦餅，扎肉，同春卷，全部都炸得非常香脆，尤其係個魚餅已經做得好彈牙，香茅味令d魚肉更好味！
食完小食，我哋叫左既主菜都嚟到，先有咸魚炒椰菜苗，同埋鮮蝦炒金邊粉！
先講個咸魚椰菜苗，咸魚既咸香味撲鼻而來，仲有少少辣椒同香蒜吊味！椰菜爽口香甜！
再講埋個有幾有鑊氣既炒金邊粉，一唔油膩，二夠大碟，三用料十足，大蝦新鮮，爽滑彈牙！
最後嚟到我既必食甜品，芒果椰汁白糯米飯，芒果鮮甜，糯米飯煙韌，加上又大碟，我哋兩個幾乎食唔晒！
以後去天水圍揾野食，又多個好選擇！
張貼
