影片
更多
2023-10-26
73 瀏覽
🍽️ 馬祖台灣養生涮涮鍋最近天氣開始轉涼，又準備踏入瘋狂打邊爐嘅季節，今年為我打響頭炮嘅就係呢間位於旺角瓊華中心嘅台灣無限時吃到飽涮涮鍋！我哋選擇咗一個平日嘅下午嚟食，算係比較清靜啲。而且餐廳嘅座位都好寬敞，上菜速度算快，所以我哋都食得好舒服～重點係我哋有大把時間可以慢慢食，又唔使就住就住，一個字爽💛我哋食嘅係極上prime grade霜降牛小排套餐，7:30前離座嘅價錢係$487一位，性價比極高！湯底方面我哋叫咗一個台式牛肉麻辣湯，同埋一個蕃茄雞肉濃湯。麻辣湯有三種辣度選擇，我哋就揀咗中辣，佢有足夠嘅麻辣香之餘又唔會太灼喉，亦都唔會搶咗食物嘅鮮味，十分推薦。另一方面，蕃茄湯就好鮮甜、濃郁，同麻辣燙形成唔同嘅感覺！牛肉方面，我哋主要都係食返最靚嘅極上prime grade霜降牛小排，佢嘅雪花紋分布平均，肉質非常鮮嫩，薄薄一片入口即溶，而且食極都唔會有膩嘅感覺。海鮮方面，我地食左是日精選海鮮、帆立貝同埋白鱔片，全部都係超鮮甜，而且完全冇腥味，係濃郁嘅湯底煲滾之後就更加入味，特別係我哋encore左幾次嘅白鱔片！配料方面，一般嘅丸、餃子、腸仔、菇、菜等等，都全部有晒晒。特別欣賞佢哋嘅手打丸，
最近天氣開始轉涼，又準備踏入瘋狂打邊爐嘅季節，今年為我打響頭炮嘅就係呢間位於旺角瓊華中心嘅台灣無限時吃到飽涮涮鍋！我哋選擇咗一個平日嘅下午嚟食，算係比較清靜啲。而且餐廳嘅座位都好寬敞，上菜速度算快，所以我哋都食得好舒服～重點係我哋有大把時間可以慢慢食，又唔使就住就住，一個字爽💛
我哋食嘅係極上prime grade霜降牛小排套餐，7:30前離座嘅價錢係$487一位，性價比極高！
湯底方面我哋叫咗一個台式牛肉麻辣湯，同埋一個蕃茄雞肉濃湯。麻辣湯有三種辣度選擇，我哋就揀咗中辣，佢有足夠嘅麻辣香之餘又唔會太灼喉，亦都唔會搶咗食物嘅鮮味，十分推薦。另一方面，蕃茄湯就好鮮甜、濃郁，同麻辣燙形成唔同嘅感覺！
牛肉方面，我哋主要都係食返最靚嘅極上prime grade霜降牛小排，佢嘅雪花紋分布平均，肉質非常鮮嫩，薄薄一片入口即溶，而且食極都唔會有膩嘅感覺。
海鮮方面，我地食左是日精選海鮮、帆立貝同埋白鱔片，全部都係超鮮甜，而且完全冇腥味，係濃郁嘅湯底煲滾之後就更加入味，特別係我哋encore左幾次嘅白鱔片！
配料方面，一般嘅丸、餃子、腸仔、菇、菜等等，都全部有晒晒。特別欣賞佢哋嘅手打丸，細細粒但係好好味，又有咬口。
飲品方面，幾個大雪櫃有齊晒所有必飲嘅茶類、汽水應有盡有，特別嘅係竟然仲有暖嘅嘢飲，話晒都天氣轉涼，我都飲咗杯暖笠笠嘅維他奶💛
張貼
