新記煲仔雞粥 (已結業)

今天突然氣温下降至12度，想同老婆食個熱辣辣的晚餐。於是去左出名多野食的元朗又新街，去幫襯一間雞粥老字號的舖頭叫新記煲仔雞粥。今天叫左兩煲招牌煲仔粥，我同老婆一人一煲。一煲是貴妃雞粥$48，另一煲是鮮味蠔仔粥$45。兩煲粥的粥底都好軟綿綿，最緊要係夠熱辣辣。貴妃雞的雞肉好嫩滑，好有雞味。而蠔仔肉細細粒易入口，又好鮮味。另外又叫左三樣脆口食物，送粥一流，包括有脆皮乳鴿$51、香脆炸大腸$42及蒜泥汁脆皮豆腐$29。乳鴿皮薄又香口，肉汁好juicy。炸大腸炸得好脆又唔乾，腸內還有好多肥膏，好好味。而脆皮豆腐細細舊容易入口，豆腐皮脆脆地送粥一流。最後再叫多兩杯野飲，分别是熱柑桔蜜$14及七喜龍眼冰$21。柑桔蜜柑桔味好夠，又唔太甜。而龍眼冰的龍眼肉大大舊好有口感，夾埋七喜入口好清甜，仲有薄荷味。