天丼てんや

營業中

休息中

餐廳無得訂位攞飛，要喺出面排隊等位，用餐限時45分鐘。我地都叫左天婦羅蕎麥麵定食同麻糬。 🍤天婦羅蕎麥麵定食 有幾塊紫菜喺麵上面，麵算乾身好夠凍又係夏天消暑一流，另附上冷麵汁含蔥同芥辣。天婦羅有7件，分別有2件黑虎蝦、2條四季豆、1條蟹柳、1塊茄子同1塊蓮藕，每件size都唔細唔欺場，炸粉唔厚食落亦唔油膩，天婦羅汁含蘿蔔蓉。對於重口味嘅我地黎講，天婦羅汁偏淡同埋如果多d蔥會更好。我地埋單先記得未上麻糬，不過食完定食坐左一陣都無送黎有機會漏左單，好彩店員好好肯幫我地取消☺️而家無得去日本食，想解住癮先呢間係唔錯嘅選擇，亦相比其他同類餐廳抵食。