快樂蜂 (軒尼詩道)

營業中

休息中

收咗工無所事事，就由灣仔沿着電車路，一路行，一路行，腦海中不斷飄出呢個禮拜係幾咁辛苦，日日OT不特止， OT完個成果又要俾人搶咗，老細就會覺得我係冗員，冇價值，冇希望。搞到我都覺得自己係咪真係一件廢物。。。行行下，行到嚟呢度風雲丸拉麵店嘅附近，發現喺百佳隔離開咗間Jolibee，快樂蜂。 快樂，係快樂啊！我已經唔記得上一次由衷地快樂係幾時嘅事，生活迫人，申請公屋又遙遙無期，居屋又冇錢買，唯有入去尋找下快樂啦。