味滿

營業中

休息中

天后呢間叫做味滿嘅小店真係好值得推薦！呢度有飯、有麵、有粥，選擇非常多。我哋晚巿試咗幾款菜，真係好滿意，套餐有嘢飲又有菜，非常健康抵食。南乳豬手飯南乳豬手飯係其中一個招牌菜，豬手煮得好入味，南乳嘅香味濃郁，豬手嘅皮同肉都煮得好淋，入口即化，配埋白飯真係一流。香茅豬扒飯香茅豬扒飯嘅豬扒煎得香口，香茅味道突出但唔會過重，豬扒肉質嫩滑肥瘦適中，每一啖都充滿香茅嘅清香味，再配埋飯，好味又飽肚。麻辣牛腩小食呢個麻辣牛腩小食真係唔錯，大大舊牛腩仲有勁入味嘅蘿蔔，加上麻辣風味，味道更加昇華。飲品飲品方面，除咗一半嘅咖啡奶茶，仲有薏米水同柑桔蜜可以揀。我哋試咗薏米水，清甜解渴，特別適合夏天飲。