影片
更多
2022-04-24
2011 瀏覽
本身都聽過呢間由烏克蘭人主理嘅正宗烏菜東歐餐廳好難book位，我哋琴晚好好彩居然一book即中！一出𨋢嘅時候，我哋已經見到連儂牆，貼滿咗支持烏克蘭嘅字句，好有”當年”嘅感覺….🥺 本身以為東歐菜都係食豬牛羊雞兔鹿，配菜都係烚薯仔、芝士或雜菜之類，盡量保持原始風味，點知食完之後先發現，東歐菜係好！好！食！芝士焗牛脷盅($98)：一上枱嘅時候，我哋以為係酥皮湯，問完一位烏克蘭裔的靚女侍應後，先知道嗰個唔係酥皮，而係類似mozzarella 芝士焗製而成，口感爽脆唔硬🤤 牛脷👅煮得好淋身，芝士味唔騷，反而有啲奶香，食落出奇地唔油膩，正！烏克蘭香煎薯餅($78)：啲薯仔切成一片片咁樣煎，唯獨要改善嘅位係個味比較淡，建議大家食嘅時候落丁屎咁多海鹽吊一吊味🤌🏻咁就更加好食，個Sour cream我哋覺得有效咁消除到個油膩感，因為佢煎完其實個表面都見到幾多油🤫正宗烏克蘭羅宋湯($68)：呢個完全係重點中嘅重點，個顏色雖然有啲怪，係鮮艷嘅紅色，但係飲落去口感和味道嘅層次好豐富，少少酸味味，食埋佢啲蔬菜、西芹，幾開胃😌(ed小分享 : 一件有趣小分享，羅宋湯大家都飲得多，其實呢個驟眼睇咁普通嘅湯曾經係俄
芝士焗牛脷盅($98)：一上枱嘅時候，我哋以為係酥皮湯，問完一位烏克蘭裔的靚女侍應後，先知道嗰個唔係酥皮，而係類似mozzarella 芝士焗製而成，口感爽脆唔硬🤤 牛脷👅煮得好淋身，芝士味唔騷，反而有啲奶香，食落出奇地唔油膩，正！
烏克蘭香煎薯餅($78)：啲薯仔切成一片片咁樣煎，唯獨要改善嘅位係個味比較淡，建議大家食嘅時候落丁屎咁多海鹽吊一吊味🤌🏻咁就更加好食，個Sour cream我哋覺得有效咁消除到個油膩感，因為佢煎完其實個表面都見到幾多油🤫
正宗烏克蘭羅宋湯($68)：呢個完全係重點中嘅重點，個顏色雖然有啲怪，係鮮艷嘅紅色，但係飲落去口感和味道嘅層次好豐富，少少酸味味，食埋佢啲蔬菜、西芹，幾開胃😌
(ed小分享 : 一件有趣小分享，羅宋湯大家都飲得多，其實呢個驟眼睇咁普通嘅湯曾經係俄羅斯和烏克蘭相互爭奪過主權㗎🤫俄羅斯仲死都話係自己國家嘅發明禾🤷🏿♂️(符合國情啊…) 而事實係羅宋湯其實係烏克蘭發明的，當年烏克蘭農夫將菜頭菜尾，少量肉煮成一鍋而成，成為從事體力勞動者如農夫嘅主要食糧，只不過當年烏克蘭隸屬於蘇聯，所以蘇聯解體後，俄羅斯”順手”想攞埋個羅宋湯主權)
馳名基輔炸雞($188)：雞肉鮮嫩，切開嘅時候入邊溶化嘅牛油和香草慢慢流出，視覺贏曬😂雞肉連埋少少牛油食落一流，而個伴菜係厚切薯片，面頭已落少少鹽，幾有屋企煮法嘅感覺。
地道香燒豬肋骨($198)：呢個係第二個重點，個名係叫香燒豬肋骨，撞鬼佢，佢真係用火燒🔥😱侍應仲好好心咁提我地拎定電話出嚟影相拍片😂肉質鮮嫩，豬肋骨炆得好淋身，基本上拎起嘅時候已經骨肉分離，仲有少少軟骨添而且肥瘦比例一流👍🏻 食落有少少酒香，感覺有少少似食緊好好食嘅糖醋骨，我哋強烈推介俾大家有機會一定要試吓！
總結，呢間餐廳有機會一定要去試吓，起碼大家可以比烏克蘭一個支持，話晒大家都同病相連，香港人永遠都Stand with烏克蘭人！
張貼
