天下毛湘 (裝修中)

今日嚟咗尖沙咀食中菜，見到呢間天下毛湘，門面勁有特色，內部更有中國風，木枱木凳連埋特色燈籠🏮😍佢個午市套餐都好抵食，$70-$80左右仲免+1，我同friend叫咗個花菜炒五花腩同埋肉碎豆腐蒸蛋，個炒五花腩超級香，好入味，肉碎豆腐蒸蛋都好有鮮味，蛋白蛋黃係分開蒸嘅好特別，送飯一流😍仲叫咗個爽辣魚皮，超級有驚喜，一啲腥味都冇，而且酸酸辣辣，口感又夠脆身，超級好味💯牛肉炒萵筍都好特別，萵筍夠晒爽脆新鮮，而且牛肉都好足料，超級好味🤤套餐仲會包碗白飯，夠晒飽肚，而且一入坐就會每人送一碗湯；飲品方面叫咗杯鹹檸樂同埋凍檸茶😍呢間真心好食，一定會encore🤩