影片
更多
2010-01-25
48 瀏覽
24-1-2010久聞「天勺」大名, 雖然一直未去過, 但從食評得知呢度係「天勺」以前 d 師傅開出來的, 幾有興趣, 是日捉埋朋友上嚟食個 lunch. 星期日 walk-in 只得 bar 檯, 坐低立即一人叫了一份自選壽司定食, 有 10 款壽司/卷物, 跟茶碗蒸, 前菜, 漬物, 味噌湯及咖啡/雪糕 ($140).先來蒸蛋, 配料有雞肉, 銀杏, 冬菇及唔知乜菜葉, 夠晒香; 清湯底鮮甜味美, 連帶蒸蛋都鮮甜, 質地滑得可輕易 "slurp" 落喉嚨, 正 前菜係漬鯖魚? 食落肉有點硬, 不過酸汁 10 個惹味, 帶少少甜又有薑香, 最後食晒成碟之餘, 仲搶了朋友一兩件嚟食, 哈哈 10 款壽司分別揀了海膽, 三文魚籽, 甜蝦, 赤貝,「甜蛋」, 深海池魚, 大 toro, 中 toro, 赤身及鐵火卷:- 先食海膽, 賣相唔算十分新鮮, 食落帶點甘, 跟住嗒到點甜, 同上次天后嗰間的品質差不多 (http://www.openrice.com/restaurant/commentdetail.htm?commentid=2025405), 亦好過好多地方的, 但比起見城
久聞「天勺」大名, 雖然一直未去過, 但從食評得知呢度係「天勺」以前 d 師傅開出來的, 幾有興趣, 是日捉埋朋友上嚟食個 lunch. 星期日 walk-in 只得 bar 檯, 坐低立即一人叫了一份自選壽司定食, 有 10 款壽司/卷物, 跟茶碗蒸, 前菜, 漬物, 味噌湯及咖啡/雪糕 ($140).
先來蒸蛋, 配料有雞肉, 銀杏, 冬菇及唔知乜菜葉, 夠晒香; 清湯底鮮甜味美, 連帶蒸蛋都鮮甜, 質地滑得可輕易 "slurp" 落喉嚨, 正
前菜係漬鯖魚? 食落肉有點硬, 不過酸汁 10 個惹味, 帶少少甜又有薑香, 最後食晒成碟之餘, 仲搶了朋友一兩件嚟食, 哈哈
10 款壽司分別揀了海膽, 三文魚籽, 甜蝦, 赤貝,「甜蛋」, 深海池魚, 大 toro, 中 toro, 赤身及鐵火卷:
- 先食海膽, 賣相唔算十分新鮮, 食落帶點甘, 跟住嗒到點甜, 同上次天后嗰間的品質差不多 (http://www.openrice.com/restaurant/commentdetail.htm?commentid=2025405), 亦好過好多地方的, 但比起見城 (http://www.openrice.com/restaurant/commentdetail.htm?commentid=1895339)及 Sushi Toku (http://www.openrice.com/restaurant/commentdetail.htm?commentid=1973554), 又差少少
- 三文魚籽亦不如見城的酒香及鹹鮮, 可以更好.
- 兩件軍艦的紫菜唔算好脆, 不過夠晒香, 感覺也不錯.
- 而「手握」的壽司, 飯未至於「扇」形, 但握得緊緻, 醋味溫和, 帶米香 (!) 又 "body temperature", 好食喎
- 甜蝦新鮮度 ok, 食落爽身卻味淡, 上次天后間居酒屋 (http://www.openrice.com/restaurant/commentdetail.htm?commentid=2058146) 嗰 d 好食 d 喎...
- 赤貝新鮮度不錯, 不過同甜蝦一樣, 爽身但味較淡, 可以更好.
-「甜蛋」就麻麻哋, 凍凍的, 唔夠香甜又較「實淨」, 不過呢味始終還是熱食的「玉子燒」較好.
- 幾款吞拿魚就以赤身最驚喜, 新鮮味濃到呢 大 toro 就肥美得似食緊成舊肥油一樣, 一試絕對難忘, 唔知 dinner 嚟食會否開心到跳舞?
- 吞拿魚當前, 結果深海池魚淪為配角, 不過其實都夠新鮮甜美的, 不可錯過.
朋友揀了海膽, 三文魚籽,「甜蛋」, 深海池魚, 鰹魚, 大 toro, 中 toro, 赤身及蔥 toro 茸卷... 試了佢一件蔥 toro 茸卷, 夠油香, 但我覺得蔥味唔夠, 可以更好.
鹹食以熱熱的味噌湯作結, 味道較普通, 但算清甜又帶點蔥香, 暖暖胃不錯.
最後來杯咖啡, 又一認真之作 -- 夠厚夠香,「齋」飲唔苦澀, 唔酸, 落點糖及 cream 後, 就多一份滑溜及香甜, 正
試了少少朋友的芝麻雪糕, 味道一樣香濃, 不過唔多夠幼滑喎, 有碎冰嘅?
食物令人回味, 加埋一每人只需 $155 埋單, 十分抵食, 絕對值得試試.
張貼
