影片
更多
2021-05-05
911 瀏覽
又係時候出動搵嘢食, 今次就選了旺角創興中心的馬辣台式鴛鴦火鍋來試.講開食台式火鍋, 我們一向食開旺角的一X堂, 貪佢食物品質OK穩定而且冇漏單,真係落單叫幾多就來幾多, 唔使食得勞氣.但自從佢分開咗3個套餐選擇, 價錢仲升咗冇咁抵食, 所以知道馬辣午市做緊2小時放題全包價$138, 就即管去試試.一早訂咗位, 但係見人就咁walk in都係分配坐卡位, 今次2人坐窗邊4人大卡位, 好舒服, 仲見到有1個人來打邊爐的, 可以有免費一個湯底,但就不能要鴛鴦湯底, 要加錢才可以.店內的黃色車車有好多邊爐料可以自取, 醬料款式亦多, 總有啱心水的叫咗1個沙嗲和1個西紅柿(蕃茄)湯底, 沙嗲湯底幾濃, 淥肉片及海鮮比較好食.幾款牛肉質數都唔錯, 係薄啲, 不過退冰做得幾好, 唔會雪硬到一餅餅咁,都可以完整一片片咁淥來食海鮮中的蝦比較細隻, 不過食多2隻都補番數, 蟶子仔都係細細隻, 冇沙但係冇咩味,白鱔片同脆鯇骨腩就真係差過一X堂, 下次想瘋狂食魚都係要番啅一X堂.見開飯食評話呢度有漏單, 都有啲驚架, 但今次都算OK, 淨係last order果次叫4碟牛肉(2款)只送上2碟,但其實真係已經
講開食台式火鍋, 我們一向食開旺角的一X堂, 貪佢食物品質OK穩定而且冇漏單,
真係落單叫幾多就來幾多, 唔使食得勞氣.
但自從佢分開咗3個套餐選擇, 價錢仲升咗冇咁抵食,
所以知道馬辣午市做緊2小時放題全包價$138, 就即管去試試.
一早訂咗位, 但係見人就咁walk in都係分配坐卡位,
今次2人坐窗邊4人大卡位, 好舒服,
仲見到有1個人來打邊爐的, 可以有免費一個湯底,
但就不能要鴛鴦湯底, 要加錢才可以.
店內的黃色車車有好多邊爐料可以自取,
醬料款式亦多, 總有啱心水的
叫咗1個沙嗲和1個西紅柿(蕃茄)湯底, 沙嗲湯底幾濃, 淥肉片及海鮮比較好食.
幾款牛肉質數都唔錯, 係薄啲, 不過退冰做得幾好, 唔會雪硬到一餅餅咁,
都可以完整一片片咁淥來食
海鮮中的蝦比較細隻, 不過食多2隻都補番數, 蟶子仔都係細細隻, 冇沙但係冇咩味,
白鱔片同脆鯇骨腩就真係差過一X堂, 下次想瘋狂食魚都係要番啅一X堂.
見開飯食評話呢度有漏單, 都有啲驚架, 但今次都算OK,
淨係last order果次叫4碟牛肉(2款)只送上2碟,
但其實真係已經食飽晒, 所以都冇追.
至於即製甜品和Dryers雪糕那個counter,
我只係見到一個女職員係度包水餃,
有一盤面包布丁, 睇落幾好樣, 不過我唔食就冇試到,
見唔到有即製pan cake同埋法式焦糖燉蛋.
Dryers雪糕只係得番筒底嘅,
我想試石板街, 見女職員好努力刮都只係刮到乒乓波嘅size, 試過就算,
反而第一次試嘅港式奶茶雪糕同埋柑橘雪條幾好食.
職員服務態度唔錯, 加湯和收碟都好快手及自動波,
因為雪條太凍食得慢, 又唔可以一路行一路食, 逼住坐在卡座超時10分鐘,
職員都只係提醒一句已經夠鐘離座, 我就覺得人家職責所在, 所以冇hard feeling喎.
總括來講算係一個抵食嘅邊爐放題.
張貼
