鴻星中菜 (MOKO新世紀廣場)

營業中

休息中

又到咗食大閘蟹的好時節，我同啲朋友當然唔會錯過啦。今次見到鴻星的大閘蟹宴唔使4百蚊，8點30之後仲有折打，咁唔使揀，一定係呢個。大閘蟹宴包括咗2隻蟹公同1隻蟹毑，我就鍾意毑多啲，因為啲膏實啲。食蟹要留意，唔好食個心，中醫話好寒架，最好就飲番啲薑茶。食呢個蟹宴仲要留意的係，唔好比個伙計太快幫你入單要下一輪蟹，因為你未食完佢就會上架啦。我地係開始食個蟹身的時候入單，剛剛食到蟹腳下一輪就來，個温度就會啱啱好。今次鴻星的大閘蟹都好大隻下，啲膏好多，好甜，一路食啲膏一路流出來，正！食完蟹，佢地就預備咗薑茶，一人一杯，但係我地真係好鍾意個薑茶，因為好甜好好味，忍唔住問佢攞咗成壺，大家飲得好開心好似人地追酒飲咁。個餐仲有其他菜的，有蟹粉小龍包，個包有好多湯係入面，啲湯真係好甜，但係食果時真係要好小心，唔係就會盪到。另外果啲小菜係成日有機會食到的，所以就無乜特別。