Lúa (已結業)

❣️兩層高的越菜餐廳 靚裝潢 第二層有漫天燈籠打卡位 聽店員講偶爾晚上仲有Live band本以為望落似打卡餐廳 但發覺連食物方面都有質素 你會見到有部分菜式係比較少見的越南手工菜🤣甚至大部分食材都是由越南運到港 越菜來講定價唔算平 但食物質素高 推介比大家 ❤️小食自選拼盤 $120 (3款) 柑桔汁雞翼/素春卷/粉包炸兩雞翼炸得酥脆出色 而粉包炸兩好特別第一次食 份量有6大件其實有D似中式炸兩 煙韌粉皮包住春卷 春卷仍然保持脆口 卜卜脆好味😁❣️黃薑雞胸茴香葉撈檬$119有驚喜呀 先講檬粉原來係自家製 麵質比較彈牙 檬粉份量非常多而雞胸都有6-7件 係比較健康既部位 相對地口感會比較結實但黃薑汁之美味彌補了雞胸肉的小缺點 非常香甜的椰奶黃薑汁係酸酸地 易入口好好食 加上有花生碎 生菜 等等的配料 口感豐富 非常推薦❣️三色椒檸檬葉金菇焗鮮蠔$168(四隻)用錫紙包住店員即場點火 令鮮蠔可以保持溫度 三色椒再配合酸甜醬汁很開胃 醬汁滲入鮮蠔及金菇內 好入味班蘭心太軟配椰子雪糕$112自家製椰子雪糕口感似雪葩 椰子味十足非常出色的心太軟是即叫即焗 外層朱古力焗得脆口 斑斕醬洶湧而出❣️