Outback Steakhouse (新城市廣場三期)

營業中

休息中

第5波疫情終於有跡象完結，由一月尾開始就冇出過街食飯，相隔3個月約朋友見吓食個lunch，由於好多餐廳爆滿，我哋最後揀咗間相對少人又大路嘅西餐。基本上係Outback食過咁多次都正正常常，個人覺得最好食係佢哋個黑糖麵包同牛油，原來朋友都係咁諗。我哋每人叫咗個set lunch，包咗麵包，湯或沙律同野飲。🔸烤帶子煙肉白汁燴飯🔸個飯味道唔錯，煙肉包住帶子，一食落口不得了，好很鹹！就算連飯一齊食都非常鹹， 最後我放棄咗塊煙肉。🔸燒雞肉芝士夾餅🔸夾餅份量都唔少，上枱已經切好4件，方便食用，唔好以為個餅係脆，其實是軟的，就咁食有d 乾，加返少少佢配埋嘅醬會好d，味道不過不失。食物質素正正常常，但餐廳環境幾好，同朋友坐得舒舒服服，吹吓水其實都唔錯。