大越越南餐廳

營業中

休息中

上次食過覺得好食，今晚再嚟呢間「大越越南餐廳」晚餐，味道依舊👍。🥢大越小食拼盤 $143（春卷、蝦餅、煎扎肉、牛肉蝦片）春卷香脆唔油膩，搭配甜酸醬一齊食，好夾，好好味。酥脆嘅牛肉蝦片配埋香茅牛肉粉絲，口感豐富又有層次。蝦餅夠厚身，蝦味好香。煎扎肉就好香口。呢個拼盤份量多又好味，抵食。每次嚟都必叫🤩🥢大越三寶叻沙 $78（香茅雞翼+香茅豬扒+扎肉）湯底濃郁，醇厚，亦都唔會太辣。越南菜必食嘅香茅雞翼、豬扒，香口惹味。個人覺得佢湯底無味精，食完唔會有口渴嘅感覺。🍹椰汁紅豆冰鍾意佢係刨冰，配埋椰汁紅豆，𣲙涼透心。