교자상

營業中

休息中

餐廳位於銅鑼灣Fashion Walk食街，由韓國大廚主理，採用濟州新鮮食材，供應傳統特色美食。店內設有室內同戶外位置，天氣轉涼坐出面都幾舒服，燈光柔和，裝潢有格調，平日晚上到訪都Full House，想食嘅記得要早啲Book位。私心推介炸五花肉，出面好少見，五花肉炸至外層脆身，金黃色，皮夠薄，肥瘦均勻，一層一層，唔油膩，搭醬汁可改換口味。泡菜蝦仁卷同樣有驚喜，炸紫菜卷包住粉絲、泡菜、蝦仁等海鮮粒，面頭沾上醬汁，口感層次豐富。辣拌綜合魚生冷麵包含三文魚、鮑魚、海參、八爪魚、左口魚同螺片，食材新鮮，配上冷麵同辣醬，夏天時好消暑。韓式生牛肉口感嫩滑，完全唔腥，撈埋蛋液同黑松露，再放上脆身紫菜片一啖咬落去，令人一試難忘。