Homeland (牡丹大廈) (已搬遷) 新店位置

星期六晚約咗朋友去咗大角咀嘅一間型格西餐廳聚聚，好彩一早訂咗位，因為真係好好生意。裝修就唔洗多講，好有香港色彩。當然要試下手工啤喇～黑鳶（$68）- 係一枝酸啤，充滿熱情果味嘅啤酒，我就唔太習慣隻味，不過都飲晒。煙肉蛋安格斯牛漢堡（$118）- 煙肉、蛋同5成熟嘅安格格斯牛嘅burger 賣上好吸引！好厚身同好juicy, 連個麵包都係用牛油toast過，勁脆身同香口。仲配上粗蘿條，真係好掋食。冬蔭功海蝦闊條麵（$128）- 賣相好靚，好似碟藝術品咁。而且味道都有驚喜，不但冬蔭功味道濃郁，蝦肉爽口大舊之餘，啲闊條麵質感仲好彈牙添，整體好夾。香煎美國安格斯律扁膀扒（$168）- 嗌咗7成熟嘅牛扒，真係好juicy，裏面呈粉紅色，而牛扒外仲有啲炭燒味。底下有香滑嘅薯蓉同瓜菜做伴碟。