王朝潮順館

營業中

休息中

大角咀新開了間潮州菜館，新開業都全場爆滿，最重要係唔使加一，非常抵食。這裏主打潮州菜及順德菜，款式都很地道，份量十足，尤其是滷味拼盤，一份足四人分享。滷水鵝肉已去骨，滷得入味，鵝皮帶點爽口，鵝肉鬆化有油脂香味，滷水不會過咸；墨魚更是十分爽脆，加上自家辣椒醬更添風味。薑蔥生煎大魚卜至少有十件，爆炒至焦香，魚卜有點咬口，十分惹味。沙薑醬蹄調較得剛好，豬蹄入味，骨膠原豐富，而且去毛去得很乾淨，豬皮爽彈。蠔仔粥一碗足二人份量，有方魚及蠔肉的鮮甜，蠔肉每隻都脹卜卜，完全唔腥，粥底鮮甜有淡淡芹菜香。